បើសិនជាអ្នកមានបញ្ហារលាកប្រហោងឆ្អឹងនៅមុខរ៉ាំរ៉ៃ នោះមូលហេតុរបស់វាប្រហែលជាមិនមែនជាការបង្ករោគដោយបាក់តេរីទេ។ ដូច្នេះវាក៏មិនចាំបាច់ក្នុងការប្រើថ្នាំផ្សះដែរ លុះត្រាតែវាជាការបង្ករោគដោយបាក់តេរី។ ដើម្បីគ្រប់គ្រងជំងឺរលាកប្រហោងឆ្អឹងនៅមុខជាលក្ខណៈរ៉ាំរ៉ៃបែបនេះ យកល្អគួរតែព្យាយាមធ្វើដូចខាងក្រោម៖
- លុបបំបាត់សកម្មភាពទាំងឡាយណាដែលនាំឲ្យរោគសញ្ញាជំងឺនេះកាន់តែធ្ងន់ធ្ងរ
- ចូរចៀសវាងមូលហេតុអាឡែហ្ស៊ីដែលធ្លាប់ដឹងទាំងអស់ដូចជា ការប៉ះពាល់នឹងដើមឈើ ឬរុក្ខជាតិនានាដែលឧស្សាហ៍ធ្វើឲ្យអាឡែហ្ស៊ី
- ចូរពិចារណាលើការគ្រប់គ្រងអាឡែហ្ស៊ីជាមួយនឹងការចាក់ថ្នាំ ឬលេបថ្នាំ
- ចូរពិគ្រោះជាមួយគ្រូបេទ្យអំពីការបាញ់ស្ព្រាយនៅច្រមុះដើម្បីជួយសម្រួលដល់រោគសញ្ញាដែលកើតមាន៕