សម្រាប់ការគ្រប់គ្រងទម្ងន់ និងសុខភាពឲ្យកាន់តែល្អ ខ្ញុំសូមណែនាំគន្លឹះសាមញ្ញៗចំនួនបួនយ៉ាងដែលអាចជួយឲ្យអ្នកទទួលបានការញ៉ាំអាហារសម្បូរជីវជាតិកាន់តែច្រើន។ គន្លឹះទាំងនោះមានដូចជា៖

  1. ចូរញ៉ាំអាហារណាដែលមានជាតិខ្លាញ់ទាបដូចជា សាច់គ្មានខ្លាញ់ និងអាហារដែលមិនមែនឆា ឬចៀន។ ចូរចៀសវាងខ្លាញ់ ឬបឺដែលមិនផ្តល់សុខភាព ព្រមទាំងផលិតផលធ្វើពីទឹកដោះគោដែលមានជាតិខ្លាញ់ច្រើន។
  2. ចូរបង្កើតជម្រើសភេសជ្ជៈដែលផ្តល់សុខភាព ដោយការជ្រើសរើសភេសជ្ជៈណាដែលមានជាតិស្ករ និងការឡូរទាបៗ។ ចូរជ្រើសរើសទឹកធម្មតា ទឹកដោះគោស្រស់ ឬទឹកផ្លែឈើមួយរយភាគរយមួយកែវ ដោយញ៉ាំម្តងម្កាលបានហើយ។ 
  3. ចូរចៀសវាងាហារដែលមានជាតិស្ករខ្ពស់ដូចជា បង្អែមជាដើម។ ចូរជំនួសវិញដោយការញ៉ាំផ្លែឈើ។ 
  4. ចូរពិនិត្យអាហារណាដែលមានជាតិប្រៃខ្លាំងផង និងព្យាយាមកាត់បន្ថយឲ្យបានច្រើនតាមតែអាចធ្វើទៅបាន៕