Two business partners discussing new project outdoors

ប្រសិនជាអ្នកចង់ជោគជ័យលឿនក្នុងមុខរបរ អ្នកគួរតែប្រើវិធីទំនាក់ទំនង៥ខាងក្រោមនេះ។ តើមានអ្វីខ្លះទៅ?

1.    នៅពេលដែលអ្នកនិយាយជាមួយនរណាម្នាក់ អ្នកគួរតែនិយាយដោយការគោរព មិនថាអ្នកនោះមានឋានៈបែបណាឡើយ ព្រោះការចេះគោរពអ្នកដទៃ នឹងនាំមកនូវសំណាងល្អ។ ដូចនេះ អ្នកនឹងអាចទទួលបានផលពីមុខរបរអ្នកជាមិនខានឡើយ។

2.    អ្នកគួរតែធ្វើជាបុគ្គលដែលចេះគោរពពាក្យសច្ចៈ ដោយនៅពេលដែលអ្នកណាត់ជួបអ្នកដទៃនៅម៉ោងណា អ្នកគួរតែទៅដល់ម៉ោងនោះ។ បើអ្នកសន្យាថាអ្នកធ្វើអ្វី អ្នកគួរតែធ្វើឲ្យបាន ព្រោះពាក្យសច្ចៈនេះពិតជាសំខាន់ណាស់ វាអាចធ្វើឲ្យបុគ្គលម្នាក់ជឿ ឬមិនជឿអ្នក ទុកចិត្ត ឬមិនទុកចិត្តអ្នក។

3.    សម្តីរបស់អ្នកមិនគួរអួត និងមានអំណួតពេកនោះទេ ព្រោះអាចធ្វើឲ្យអ្នកដទៃស្តាប់ហើយទើសត្រចៀកខ្លាំង។ ដូចនេះ អ្នកគួរតែនិយាយអ្វីដែលពិត ដោយមិនគួរបំផ្លើសខ្លាំងនោះទេ ទើបអ្នកអាចរក្សាទំនាក់ទំនងល្អជាមួយអ្នកដទៃបាន។

4.    នៅពេលដែលអ្នកនិយាយស្តីម្តងៗ អ្នកគួរតែប្រយ័ត្នគ្រប់ម៉ាត់ ហើយគួរតែគិតមុននិយាយ ទើបសម្តីអ្នកនិយាយចេញមកមិនប៉ះពាល់ដល់អារម្មណ៍អ្នកដែលកំពុងតែឆ្លងឆ្លើយនឹងអ្នក។

5.    អ្នកគួរតែនិយាយដោយចិត្តមេត្តា ទើបធ្វើឲ្យអ្នកដទៃអាចរំជួលអារម្មណ៍ ហើយព្រមផ្តល់ជំនួយ ឬសហការជាមួយអ្នក។ ដូចនេះ អ្នកគួរតែប្រើវិធីនិយាយស្តីទាំង៥នេះ ដើម្បីធ្វើឲ្យមុខរបរអ្នកអាចដើរទៅមុខ ហើយរីកចម្រើនខ្លាំង៕