ការងាររបស់យើងគឺជាផ្នែកមួយដ៏សំខាន់បំផុតសម្រាប់ជីវិត។ ប៉ុន្តែការធ្វើខ្លួនឲ្យមានសុខភាពល្អ ជាមួយនឹងការងារមិនប៉ះពាល់មិនមែនជារឿងមួយស្រួលឡើយ។ ដើម្បីទទួលបានពេលវេលាដែលសមស្របទៅតាមតម្រូវការងារអាចនឹងពិបាកក្នុងការលៃលកវិធីថែរក្សាសុខភាពដែរ ជាពិសេសបើសិនជាអ្នកធ្វើការតែវេនយប់តែម្តង។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)តាមការសិក្សាថ្មីមួយដែលចុះផ្សាយក្នុងសារព័ត៌មាន Journal of the American Osteopathic Association បានឲ្យដឹងថា សម្រាប់អ្នកធ្វើការងារវេនយប់មានការប្រឈមខ្ពស់នឹងបញ្ហានៃការគេង ចង្កោមរោគសញ្ញារំលាយអាហារដែលប្រឈមខ្ពស់នឹងជំងឺបេះដូង ដាច់សរសៃឈាមខួរក្បាល និងទឹកនោមផ្អែមប្រភេទទី២ ជាពិសេសអ្នកធ្វើការមិនទៀងទាត់ ឬវិលជុំតែម្តង។ 

តើពេលវេលាណាមួយដែលផ្តល់សុខភាពល្អបំផុតសម្រាប់ធ្វើការទៅ?

ការដែលផ្តល់ពេលវេលាសម្រាប់រាងកាយកំណត់ថាពេលណាមានអារម្មណ៍ឃ្លាន និងពេលណាត្រូវញ៉ាំ គឺមិនខុសគ្នានឹងពេលណាដែលត្រឹមត្រូវសម្រាប់គេង និងភ្ញាក់ពីគេងដែរ ដូច្នេះវានឹងមានឱកាសច្រើនដែលអ្នកអាចកំណត់ថាពេលវលាណាល្អបំផុតសម្រាប់សុខភាពនៅពេលធ្វើការ។ យោងទៅតាមសេចក្តីរាយការណ៍មួយបានឲ្យដឹងថា ការធ្វើការងារទៀងទាត់ពីម៉ោង ៩ព្រឹកដល់ម៉ោង ៥ល្ងាច ឬម៉ោង ១០ព្រឹកដលម៉ោង ៦ល្ងាច អាចជាពេលវេលាល្អបំផុតសម្រាប់ធ្វើការហើយ។ នេះដោយសារតែនៅពេលអ្នកភ្ញាក់ពីគេង កម្រិត Dopamine ក្នុងខ្លួនឹងឡើងខ្ពស់។ Dopamine នឹងបង្កើតឲ្យមានអារម្មណ៍ប្រុងប្រយ័ត្ន និងភ្ញាក់ ដែលសំខាន់បំផុតសម្រាប់ការចាប់ផ្តើមធ្វើការ។ អារម្មណ៍មួយនេះក៏មានខ្ពស់ដែរក្នុងពេលថ្ងៃត្រង់ ដូច្នេះវានឹងក្លាយទៅជាពេលវេលាល្អបំផុតសម្រាប់ការប្រជុំ និងការងារសំខាន់ៗ។ នៅពេលល្ងាចអាចជាពេលវេលាដើម្បីមានផលិតភាពករងារល្អ ហើយក៏ជួយឲ្យគេងលក់កាន់តែស្រួលនៅពេលយប់ដែរ។ 

តើនឹងមានអ្វីកើតឡើងទៅនៅពេលអ្នកធ្វើការវេនយប់ ឬធ្វើការវិលជុំ?

យោងទៅតាមការស្រាវជ្រាវបានឲ្យដឹងថា នៅពេលអ្នកធ្វើការវេនយប់ ឬវិលជុំ ម៉ោងក្នុងរាងកាយនឹងរងការរំខាន។ ម៉ោងនេះទទួលខុសត្រូវទៅលើការបញ្ជូនអ័រម៉ូន និងសរសៃប្រសាទ ហើយកាលណាវារងការប៉ះពាល់ នឹងនាំឲ្យមានបញ្ហាដល់សុខភាពបាន។ ពេលនោះអ័រម៉ូនដូចជា Cortisol អាំងស៊ុយលីន Serotonin ។ល។ អាចរងការរំខាន។ បម្រែបម្រួលអ័រម៉ូនទាំងនេះអាចនាំឲ្យកើតជាជំងឺ Metabolic និងកើតជំងឺជាច្រើនផងដែឬ។ ការគេង ៧ ទៅ៩ម៉ោងក្នុងមួយថ្ងៃ ក្នុងពេលវេលាដូចៗគ្នាគឺជារឿងសំខាន់បំផុតដើម្បីមានការរំខានតិចតួចបំផុតចំពោះម៉ោងក្នុងរាងកាយ។ 

តើជំងឺបេះដូង ដាច់សរសៃឈាមខួរក្បាល និងទឹកនោមផ្អែមមានទំនាក់ទំនងគ្នាទៅវិញទៅមកដូចម្តេចទៅ?

ជំងឺបេះដូង ដាច់សរសៃឈាមខួរក្បាល និងទឹកនោមផ្អែមមានរឿងតិចតួចមួយរួមគ្នា ហើយក៏មានជាប់ទាក់ទងគ្នាទៅវិញទៅមកផងដែរ ទាំងទាក់ទងដោយផ្ទាល់ និងប្រយោល។ ចង្កោមរោគសញ្ញា Metabolic ដែលមានលក្ខណៈស្រដៀងគ្នានឹង ការលើសសម្ពាធឈាម លើសជាតិស្ករក្នុងឈាម លើសខ្លាញ់ក្នុងខ្លួន ខ្លាញ់ក្នុងពោះ និងលើសកូឡេស្តេរ៉ុលមិនធម្មតា សុទ្ធតែជាការប្រឈមមុខទាំងអស់។ ជំងឺបេះដូង និងដាច់សរសៃឈាមខួរក្បាលសុទ្ធតែទាក់ទងនឹងការលើសសម្ពាធឈាម។ (អាន:ថ្នាំងងុយគេង ពេលអ្នកគួរប្រើ) បញ្ហាសុខភាពទាំងបីក៏ជាប់ទាក់ទងគ្នាទៅវិញទៅមកដែរ ដើម្បីយើងអាចមានវិធានការបង្ការ និងព្យាបាល។ ការសម្រកទម្ងន់ ការញ៉ាំអាហារផ្តល់សុខភាព ចៀសវាងការជក់បារី ហាត់ប្រាណទៀងទាត់ និងរបៀបរស់នៅផ្តល់សុខភាពសុទ្ធតែអាចបន្ថយការប្រឈមនឹងជំងឺទាំងបីនេះបានទាំងអស់៕