ជាតិជាមនុស្សស្រីងាយនឹងយកចិត្តទុកដាក់ទៅលើខ្លួនឯងគ្រប់ពេល ដោយសង្ឃឹមថា ពួកគេនឹងអាចរក្សាភាពក្មេងវ័យរបស់ស្បែក និងស្រស់ស្អាតដដែលទោះបីជាមានអាយុកាន់តែច្រើនហើយក៏ដោយ។ ប៉ុន្តែការដែលនៅចន្លោះពេលទៅធ្វើការ និងនៅផ្ទះ ព្រមទាំងការដើរលេងយប់ៗជាមួយមិត្តភក្តិ បូករួមនឹងរបបអាហារមិនល្អទៀតនោះ វាពិតជាមិនមានអ្វីគួរឲ្យភ្ញាក់ផ្អើលឡើយដែលពួកគេមានបញ្ហាស្បែកស្ងួតនោះ។ ខាងក្រោមនេះខ្ញុំសូមណែនាំនូវទម្លាប់មួយចំនួនដែលអ្នកអាចធ្វើបានដើម្បីជួយឲ្យស្បែកកាន់តែមានភាពទាក់ទាញ និងស្រស់ស្អាតជាប់ជានិច្ច៖
ចូរលាងសម្អាតគ្រឿងផាត់មុខចេញជានិច្ច
មិនខ្វល់ថា វាជាពេលវេលាយប់ជ្រៅប៉ុណ្ណាឡើយដែលអ្នកត្រឡប់មកផ្ទះវិញ ឬអស់កម្លាំង និងងងុយគេងប៉ុណ្ណាឡើយ អ្នកត្រូវតែប្រាកដថា បានលាងជម្រះគ្រឿងផាត់មុខអស់មុននឹងចូលគេង។ រឿងនេះនឹងជួយការពារកុំឲ្យរន្ធញើសស្ទះ ដែលជាហេតុនាំឲ្យរលាកស្បែកបាន។
ញ៉ាំទឹកគ្រប់គ្រាន់
ទឹកដើរតួនាទីសំខាន់ណាស់ចំពោះសុខភាពស្បែក ដូច្នេះ បើសិនជាអ្នកធ្លាប់មានអារម្មណ៍ថា ស្បែកអ្នកទំនងជាមិនភ្លឺថ្លាទេ រឿងនេះអាចដោយសារតែរាងកាយកង្វះជាតិទឹកហើយ។ យកល្អគួរតែព្យាយាមញ៉ាំទឹកឲ្យបានពី៦ ទៅ៨កែវក្នុងមួយថ្ងៃ៕ អ្នកអាចញ៉ាំទឹកច្រើនជាងនេះបើសិនជាអ្នកងាយនឹងបែកញើស ឬពេលដែលអ្នកហាត់ប្រាណខ្លាំង។ ការខ្សោះជាតិទឹកក្នុងខ្លួនមិនគ្រាន់តែធ្វើឲ្យប្រឈមនឹងបញ្ហាចំពោះសុខភាពទេ តែក៏អាចធ្វើឲ្យស្បែកមើលទៅមិនមានសុខភាពល្អដែរ។
ត្រូវយកចិត្តទុកដាក់ផងនៅពេលលាងជម្រះគ្រឿងផាត់មុខ
មិនត្រូវប្រើវិធីលាងសម្អាតមុខខ្លាំងក្នុងការជម្រះគ្រឿងផាត់មុខឡើយ ជាពិសេសនៅតំបន់ជុំវិញភ្នែក ដោយសារតែវាជាស្បែកដែលស្តើង និងងាយរលាក។ ការដែលដុសសម្អាតខ្លាំងៗពេកអាចធ្វើឲ្យស្បែកត្រង់កន្លែងនេះងាយនឹងយារ រហូតដល់ក្លាយទៅជាស្នាមជ្រីវជ្រួញបាន។
លាងក្រែមនៅលើមុខ និងឡេការពារកម្តៅព្រះអាទិត្យ
វិធីមួយផ្សេងទៀតដែលអ្នកគួរតែសិក្សានូវអ្វីដែលធ្វើឲ្យស្បែកកាន់តែទាក់ទាញ គឺត្រូវលាបក្រែមនៅមុខ និងឡេការពារកម្តៅព្រះអាទិត្យគ្រប់ពេល។ អ្នកប្រហែលជាគិតថា អ្នកមិនត្រូវការឡេការពារកម្តៅព្រះអាទិត្យគ្រប់ពេលឡើយដោយសារតែមិនបានចេញទៅខាងក្រៅច្រើន។ ឡេការពារកម្តៅព្រះអាទិត្យមិនគ្រាន់តែមានប្រយោជន៍ក្នុងការការពារពន្លឺព្រះអាទិត្យទេ តែវាក៏ជាតម្រូវការដែលអ្នកត្រូវការពេលវេលាពីរបីនាទីនៅខាងក្រៅផ្ទះដែរ។ គោលបំណងនៃការប្រើក្រែមការពារកម្តៅព្រះអាទិត្យគឺដើម្បីផ្តល់នូវការការពារពីកាំរស្មីគ្រោះថ្នាក់របស់ពន្លឺព្រះអាទិត្យ។ រឿងនេះនឹងជួយបន្ថយការប៉ះពាល់នឹងកាំរស្មីយូវីដ៏គ្រោះថ្នាក់ ដូច្នេះ ស្បែកអ្នកក៏នឹងមិនខូចខាតលឿនដែរ។
ប្រើប្រាស់សេរ៉ូមអង់ទីអុកស៊ីដង់
បើសិនជាអ្នកចង់ថែរក្សាស្បែកឲ្យមើលទៅមានភាពទាក់ទាញនោះ ការលាបសេរ៉ូមអង់ទីអុកស៊ីដង់អាចជារឿងមួយមានប្រយោជន៍ខ្លាំង។ អង់ទីអុកស៊ីដង់នឹងជួយថែរក្សាស្បែកឲ្យមើលទៅរលោង ដែលអាចជួយឲ្យស្បែកមានភាពទាក់ទាញមួយកម្រិតទៀតទោះបីជាអាយុច្រើនហើយក៏ដោយ។
ចៀសវាងការញិចមុន
មធ្យោបាយមួយផ្សេងទៀតក្នុងការថែរក្សាភាពទាក់ទាញរបស់ស្បែក គឺចៀសវាងការញិចមុនទាំងអស់ដែលមានលើស្បែក។ បញ្ហានោះគឺថា វានឹងធ្វើឲ្យបាក់តេរីចូលទៅក្នុងស្បែកបានយ៉ាងងាយបើសិនជាអ្នកបន្តធ្វើទម្លាប់នេះទៀត។ នេះគឺជាអ្វីដែលអ្នកនឹងមិនចង់ឲ្យកើតឡើងឡើយ ជាពិសេសបើសិនជាអ្នកកំពុងតែព្យាយាមចង់រក្សាភាពទាកទាញ់របស់ស្បែកទៀត៕