ប្រសិនជាអ្នកចង់ដោះស្រាយឧបសគ្គគ្រប់បែបយ៉ាងក្នុងកន្លែងការងារ អ្នកអាចអនុវត្តតាមវិធីទាំងនេះបាន។ តើមានអ្វីខ្លះទៅ?
1. ដំបូងអ្នកគួរតែរកឬសគល់នៃបញ្ហារបស់អ្នកជាមុនសិន ទើបអ្នកអាចរកឃើញវិធីក្នុងការដោះស្រាយ។ ដូចនេះ អ្នកគួរតែរក្សាអារម្មណ៍ឲ្យស្ងប់ មិនច្របូកច្របល់ ទើបអ្នកអាចរកឃើញវែកញែកបញ្ហាអ្នកបាន។
2. បន្ទាប់មក អ្នកគួរតែបែងចែកបញ្ហារបស់អ្នកទៅជាផ្នែកតូចៗ ទើបអ្នកអាចដោះស្រាយបានយ៉ាងងាយ។ ផ្ទុយទៅវិញ បើបញ្ហាធំ មិនញែកចេញ នឹងធ្វើឲ្យអ្នកប្រឈមមុខនឹងសម្ពាធធ្ងន់ ដោយធ្វើឲ្យអ្នកឈឺក្បាលខ្លាំង ក៏មិនងាយរកឃើញច្រកចេញដែរ។
3. នៅពេលដែលអ្នកដោះស្រាយមិនចេញ អ្នកអាចសុំជំនួយពីអ្នកដទៃបាន ព្រោះអ្នកទាំងនោះអាចជួយអ្នកបាន ដោយសារតែគំនិតច្រើនផ្គុំចូលគ្នា។ ដូចនេះ អ្នកមិនគួរខ្មាស់មិនហ៊ានហាលមាត់ឡើយ ទើបអ្នកអាចដោះស្រាយបញ្ហាបានទាន់ពេល មិនខាតបង់ច្រើន។
4. អ្នកគួរតែចាំថា បញ្ហាទាំងឡាយសុទ្ធតែជាបទពិសោធន៍របស់អ្នក។ ដូចនេះ នៅពេលដែលជួបហើយ មិនគួររកផ្លូវគេចទេ គួរតែព្យាយាមឲ្យអស់ពីសមត្ថភាព ទើបអ្នកជាបុគ្គលដែលខ្លាំង ក្រោយពេលដែលអ្នកអាចធ្វើឲ្យបញ្ហាទាំងនោះបាត់សូន្យចឹង ដោយទទួលបានផលចូលមក៕