ខាងក្រោមនេះ យើងខ្ញុំនឹងបង្ហាញអ្នកពីហុងស៊ុយដែលអាចធ្វើឲ្យអ្នកអាចទទួលបានទ្រព្យធំ។ តើមានអ្វីខ្លះទៅ?
1. បន្ទប់ទទួលភ្ញៀវក្នុងផ្ទះអ្នក គួរតែបើកទ្វារផ្ទះ ហើយឃើញតែម្តង ព្រោះភ្ញៀវជាអ្នកនាំទ្រព្យដល់អ្នក។ ដូចនេះ បន្ទប់ទទួលភ្ញៀវ គួរតែឃើញមុនគេ ទើបអាចទាក់ទាញបានទ្រព្យធំចូលមកបាន។
2. ប្រសិនជាអ្នកចង់ប្រមូលបានទ្រព្យធំ អ្នកគួរតែរៀបចំបន្ទប់ទទួលភ្ញៀវឲ្យមានរបៀបរបប មិនគួរឲ្យស្ថិតក្នុងសភាពរញ៉េរញ៉ៃ ដោយពោរពេញទៅដោយខោអាវ និងរបស់របរប្រើប្រាស់នោះទេ ព្រោះអាចធ្វើឲ្យទ្រព្យមិនហ៊ានចូលផ្ទះអ្នកឡើយ។
3. ក្នុងបន្ទប់ទទួលភ្ញៀវរបស់អ្នក គួរតែមានពន្លឺចូលឲ្យបានគ្រប់គ្រាន់ និងរក្សាខ្យល់អាកាសបរិសុទ្ធឲ្យចេញចូលផងដែរ។ ការធ្វើបែបនេះ ដើម្បីអាចបើកពន្លឺ ដើម្បីនាំទ្រព្យឲ្យចូលមកក្នុងផ្ទះអ្នកបាន។
4. សាឡុងក្នុងបន្ទប់ទទួលភ្ញៀវ គួរតែដាក់ឲ្យទល់មុខទ្វារ ឬទូរទស្សន៍ ដោយមិនគួរដាក់ក្រោយទ្វារឡើយ ព្រោះអាចធ្វើឲ្យបាត់បង់ទំនាក់ទំនងល្អជាមួយអ្នកដទៃបាន ថែមទាំងអាចនាំមនុស្សអាក្រក់ឲ្យចូលមកច្រើនទៀតផង។
5. ឥដ្ឋក្នុងបន្ទប់ទទួលភ្ញៀវអ្នក ប្រសិនជាបែក អ្នកគួរតែប្តូរចេញឲ្យលឿន ព្រោះបើអ្នកមិនប្តូរទេ នោះសំណាងល្អនឹងរត់ចោលអ្នកអស់ ដោយមានតែសំណាងអាក្រក់ទេ ដែលអាចចូលមករកអ្នកបាន។
6. ក្នុងបន្ទប់ទទួលភ្ញៀវអ្នកគួរតែដាំដើមរុក្ខជាតិ និងចិញ្ចឹមត្រីខ្លះ ដោយមិនគួរច្រើនឡើយ ទើបអាចទាក់ទាញបានទ្រព្យធំចូលមកបាន។ ដូចនេះ អ្នកនឹងអាចរស់នៅបានយ៉ាងសុខស្រួលជាមិនខាន។
7. ទូស្បែកជើងអ្នកមិនគួរឲ្យខ្ពស់ខ្លាំងនោះទេ ព្រោះអាចធ្វើឲ្យមានធូលីច្រើន ដែលអាចធ្វើឲ្យប៉ះពាល់ដល់សុខភាពអ្នកបាន។ ជាពិសេស លាភសំណាងអ្នកក៏អាចបាត់បង់ផងដែរ។ ដូចនេះ អ្នកគួរតែប្រយ័ត្នពីហុងស៊ុយទាំងនេះ ទើបអាចនាំទ្រព្យធំចូលមកបាន៕