ខាងក្រោមនេះ យើងខ្ញុំនឹងបង្ហាញអ្នកពីវិធីក្នុងការជួយឲ្យអ្នកបំពេញការងារលឿន ថែមទាំងអាចទទួលបានផលខ្ពស់ទៀតផង។ តើមានអ្វីខ្លះទៅ?
1. អ្នកគួរតែចៀសវាងការធ្វើការងារច្រើនក្នុងពេលតែមួយ។ មានន័យថា អ្នកគួរតែបំពេញការងារមួយឲ្យចប់សិន ទើបអាចបន្តធ្វើមួយនេះ ព្រោះបើអ្នកធ្វើទាំងអស់ចូលគ្នាក្នុងពេលតែមួយ វាមិនត្រឹមតែអាចធ្វើឲ្យអ្នកបំពេញការងារយឺតទេ ថែមទាំងផលដែលទទួលបានក៏ទាបដែរ។ ដូចនេះ មានតែចប់ការងារមួយ ហើយធ្វើមួយទៀតទេ ទើបអាចធ្វើបានរហ័ស ហើយទទួលបានផលខ្ពស់ មិនងាយកើតមានបញ្ហា។
2. អ្នកគួរតែupdateកម្មវិធីក្នុងប្រព័ន្ធអេឡិចត្រូនិចរបស់អ្នក ព្រោះកម្មវិធីទាំងនោះ នឹងអាចជួយអ្នកបំពេញការងារបានយ៉ាងលឿន ហើយផលដែលទទួលបានក៏មិនទាបដែរ ថែមទាំងអាចកាត់បន្ថយកំហុសទៀតផង។
3. អ្នកគួរតែរក្សាទម្លាប់ល្អក្នុងការរស់នៅ ព្រោះមានតែទម្លាប់ល្អទាំងនេះទេ ទើបអាចធ្វើឲ្យអ្នកអាចរៀបចំពេលវេលាអ្នកបានល្អ។ ដូចនេះ អ្នកនឹងអាចបំពេញការងារតាមកាលវិភាគរបស់អ្នកបានយ៉ាងលឿន និងជោគជ័យ ដោយមិនចំណាយពេលវេលាច្រើនទៀតផង៕