ខាងក្រោមនេះ យើងខ្ញុំនឹងបង្ហាញអ្នកពីទម្លាប់ដែលគួរតែកែចោលពេលដែលអ្នកកំពុងតែក្រ។ តើមានអ្វីខ្លះទៅ?
1. អ្នកគួរតែកែចោលទម្លាប់ដែលធ្វើការដោយគ្មានគោលដៅច្បាស់។ នៅពេលដែលអ្នកគ្មានគោលដៅ អ្នកនឹងអាចរវល់ជាងអ្នកដទៃ ប៉ុន្តែផលដែលអ្នកទទួលបានបែរជាទាបជាងអ្នកដទៃទៅវិញ។ ដូចនេះ អ្នកគួរតែរៀបចំផែនការដែលជារបស់ខ្លួនឲ្យបានច្បាស់លាស់ ហើយដើរតាមផែនការទាំងនោះ ទើបអ្នកអាចរំដោះខ្លួនចេញពីភាពក្របាន។
2. អ្នកគួរតែកែចោលទម្លាប់ដែលសន្សំប្រាក់ខ្លាំងពេក ដោយអ្នកគួរតែចាយខ្លះ ដើម្បីអាចរក្សាទំនាក់ទំនងល្អក្នុងសង្គម។ ប៉ុន្តែអ្នកគួរតែចាំថា ប្រាក់ទាំងនោះ អ្នកគួរតែចាយត្រូវកន្លែង និងមនុស្ស ព្រោះបើអ្នកចាយដោយគ្មានទិសដៅ នោះវាប្រៀបដូចជាក្រដាសដែលគេបោះចោលអញ្ចឹង។
3. ចំពោះទម្លាប់ដែលចាយលុយធំ ទៅលើរបស់ដែលគ្មានបានការ អ្នកគួរតែកែចោល ព្រោះវាអាចបំផ្លាញអ្នកឲ្យកាន់តែយ៉ាប់ជាងនេះទៅទៀត។ ដូចនេះ បើអ្នកចង់កែប្រែវាសនារបស់ខ្លួន អ្នកគួរតែចាយលុយទៅលើរបស់ដែលអាចនាំផលដល់អ្នក ដោយប្រើលុយដើម្បីបង្កើតលុយកាន់តែធំ ទើបអាចធ្វើឲ្យអ្នកអាចរួចផុតពីជីវភាពលំបាកនេះ៕