ខាងក្រោមនេះ យើងខ្ញុំនឹងបង្ហាញអ្នកពីមុខសញ្ញាគ្រោះថ្នាក់៤ដែលលួចប្រាប់អ្នកថា អាពាហ៍ពិពាហ៍អ្នកកំពុងតែអាចជួបនឹងបញ្ហា។ តើមានអ្វីខ្លះទៅ?

1.    នៅពេលដែលអ្នកទាំងពីរធ្វើឲ្យរឿងតូចក្លាយជារឿងធំ ហើយឈ្លោះគ្នាខ្លាំង នោះគ្រួសារអ្នកអាចបែកបាក់បាន ប្រសិនជាអ្នកមិនរកវិធីដើម្បីដោះស្រាយ ដោយប្រកាន់តែគោលជំហររៀងខ្លួន។ ដូចនេះ មិនថាមានរឿងធំយ៉ាងណាទេ អ្នកគួរតែរកវិធីដើម្បីធ្វើឲ្យវាក្លាយជារឿងតូច ហើយប្តូរជាអត់រឿង ទើបអ្នករស់នៅបានសុខជាមួយគ្នា។

2.    មិនថាក្នុងស្ថានភាពណាទេ អ្នកគួរតែផ្តល់ជំនឿចិត្តដល់គ្នាឲ្យបានខ្ពស់ ទើបអាចជួយលើកទឹកចិត្តគ្នាឲ្យដើរទៅមុខបាន។ ផ្ទុយទៅវិញ បើអ្នកមើលងាយសមត្ថភាពគ្នា ដោយមិនទុកចិត្តគ្នា នោះអាពាហ៍ពិពាហ៍អ្នកកំពុងតែជិតជួបនឹងមហន្តរាយហើយ។ ដូចនេះ អ្នកគួរតែប្រយ័ត្នឲ្យបានខ្ពស់។

3.    បើអ្នកតែងតែរស់នៅបែកគ្នា នោះក៏ជាមុខសញ្ញាដែលអាចប្រាប់អ្នកថា គ្រួសារមួយនេះជិតដើរដល់ផ្លូវបំបែកហើយ។ ដូចនេះ មិនថាស្វាមីទៅណារកស៊ី ឬធ្វើការទេ អ្នកគួរតែនៅកំដរជិតខ្លួនគេ មិនគួរឲ្យគេនៅម្នាក់ឯងឡើយ ទើបមិនប៉ះពាល់ដល់គ្រួសារមួយនេះ។

4.    នៅពេលដែលស្វាមីអ្នកតែងតែត្រឡប់មកផ្ទះយប់ជ្រៅ ឬមិនត្រឡប់មកទាល់តែសោះ នោះអ្នកគួរតែប្រយ័ត្ន ព្រោះគ្រោះថ្នាក់បានមកដល់ហើយ។​ បើអ្នកមិនរកវិធីដោះស្រាយទេ អាពាហ៍ពិពាហ៍អ្នកនឹងអាចដើរដល់ផ្លូវទាល់។ ដូចនេះ អ្នកគួរតែរក្សាអារម្មណ៍ឲ្យស្ងប់ ហើយរកមធ្យោបាយ ដោយប្រើសតិ ទើបអាចស្រោចស្រង់គ្រួសារមួយនេះបាន៕