ខាងក្រោមនេះ យើងខ្ញុំនឹងបង្ហាញអ្នកពីបុគ្គលដែលមិនស័ក្តិសមក្នុងការធ្វើពិធីសុំទ្រព្យនៅថ្ងៃសែនក្បាលទឹកឡើយ។ តើមាននរណាខ្លះទៅ?

1.    នារីដែលមករដូវ មិនអាចធ្វើការសុំទ្រព្យ ឬនៅជិតកន្លែងដែលគេសែនសម្រាប់សុំទ្រព្យឡើយ ព្រោះអាចធ្វើឲ្យបំពាន មិនបានសម្រេចឡើយ។

2.    នៅពេលដែលអ្នកធ្វើពិធីសុំទ្រព្យនេះ អ្នកគួរតែស្លៀកពាក់សម្លៀកបំពាក់ដែលមានពណ៌ខ្មៅ និងស មិនគួរស្លៀកសម្លៀកបំពាក់ដែលមានពណ៌ភ្លឺៗនោះទេ ព្រោះអាចធ្វើឲ្យអ្នកមិនអាចទទួលបានជោគជ័យ។

3.    បុគ្គលដែលមានសុខភាពខ្សោយ មិនគួរធ្វើពិធីនេះ ឬក៏ទៅជិតអ្នកដែលកំពុងធ្វើពិធីនេះឡើយ ព្រោះអាចធ្វើឲ្យប៉ះពាល់ដល់លាភសំណាង នុងសុខភាពអ្នកខ្លាំងណាស់។ ដូចនេះ អ្នកគួរតែប្រយ័ត្នឲ្យបានខ្ពស់។

4.    ប្រសិនជាអ្នកសម្រេចចង់ធ្វើពិធីសុំទ្រព្យនេះ អ្នកមិនគួរដាក់យ័ន ឬរបស់ស័ក្តិសិទ្ធមួយចំនួនលើខ្លួនឡើយ ដោយគួរតែដាក់ក្នុងកាតាបអ្នកបានហើយ ទើបអ្នកងាយស្រួលសុំទ្រព្យបាន។

5.    នៅពេលដែលអ្នកបួងសួង អ្នកគួរតែនិយាយឲ្យបានច្បាស់តាមក្បួន ព្រោះបើអ្នកនិយាយខុស នោះនឹងអាចប៉ះពាល់ដល់អ្នកខ្លាំងណាស់។ ដូចនេះ អ្នកគួរតែប្រយ័ត្នឲ្យបានខ្ពស់។

6.    ចុងក្រោយ នៅពេលដែលអ្នកសុំទ្រព្យបានសម្រេច អ្នកគួរតែតបស្នងឲ្យលឿន ដោយកាន់តែលឿន កាន់តែល្អ ទើបមិនធ្វើឲ្យអ្នកក្លាហានទាំងនោះអស់សង្ឃឹមនឹងអ្នក ថែមទាំងពេញចិត្តនឹងជួយអ្នកនៅលើកក្រោយទៀតផង ព្រោះអ្នកជាបុគ្គលដែលគោរពពាក្យសច្ចៈ៕