ក្អែបជាឈ្មោះសត្វមានពិសមួយប្រភេទ ដែលមានជើងច្រើនសម្រាប់វារ។ ជាទូទៅ អ្នកដែលត្រូវ ក្អែបខាំតែងតែរងការឈឺចាប់តិចតួច ឬល្មម ហើយបើធ្ងន់ធ្ងរខ្លាំង អាចនឹងគ្រុន ឬក្តៅខ្លួន។ ប៉ុន្តែមិនធ្លាប់ឮថាក្អែបខាំមនុស្សស្លាប់ឡើយ។
ទោះជាយ៉ាងណា កាលពីពេលថ្មីៗនេះ ស្ត្រីម្នាក់បានបាត់បង់ជីវិតគួរឱ្យភ្ញាក់ផ្អើលស្ទើរ មិនគួរឱ្យជឿ ក្រោយពីត្រូវក្អែបខាំកែងជើងខាងឆ្វេង។
យោងតាមសេចក្តីរាយការណ៍ព័ត៌មានឱ្យដឹងថា ស្ត្រីចំណាស់ម្នាក់អាយុ ៦៩ ឆ្នាំនៅស្រុកឃ្លង់ (Klung) ខេត្តចាន់ថាប៊ូរី (Chanthaburi) ប្រទេសថៃ បានស្លាប់ដោយសារក្អែបខាំ។
លោក ថាណេត ពួភែ (Thanet Puapae) ដែលជាកូនរបស់ស្ត្រីរងគ្រោះខាងលើបាននិយាយ កាលពីថ្ងៃអង្គារ ទី២១ ខែសីហា ក្នុងពិធីបុណ្យសពថា ម្តាយរបស់គាត់ឈ្មោះ សាមណាវ ពួភែ (Samnao Puapae) បានស្លាប់ក្រោយពីក្អែបខាំ។ គាត់បានបន្តថា គាត់បានបញ្ជូនម្តាយទៅ ព្យាបាលមន្ទីរពេទ្យដែរ ប៉ុន្តែពេទ្យនៅតែមិនអាចជួយសង្គ្រោះបាន៕
ប្រភព៖ rasmeinews.com
