នេះជាទិដ្ឋភាពដ៏រំជួលចិត្តដែលបុរសជនជាតិហ្វីលីពីន ម្នាក់មានជំងឺមហារីកថ្លើមសម្រេច ក្តីប្រាថ្នាចុងក្រោយបណ្តើរកូនស្រីក្នុងឈុតកូនក្រមុំ ពីព្រោះគាត់ដឹងខ្លួនថាគាត់មិនអាចរស់ ដល់ថ្ងៃកូនស្រីរៀបការឡើយ។
តាមរយៈរូបភាពមួយសន្លឹកនេះ បុរសកំសត់ឈ្មោះ ប៉ាពូ ប៉េដ្រូ វីឡារីន (Papu Pedro Villarin) អាយុ ៦៥ ឆ្នាំខំប្រឹងបណ្តើរកូនស្រី ឆាឡូត ហ្គេ វីឡារីន (Charlotte Gay Villarin) ទាំងខ្លួន សម្រាកនៅលើគ្រែក្នុងសភាពស្លេកស្លាំងដោយសារកើតជំងឺមហារីកដំណាក់កាលចុងក្រោយ ធ្វើឱ្យមហាជនរំជួលចិត្តយ៉ាងខ្លាំង។
រូបថតនេះទទួលបានការចាប់អារម្មណ៍យ៉ាងខ្លាំង ក្រោយពីត្រូវបានបង្ហោះតាមបណ្តាញ ទំនាក់ទំនងសង្គមកាលពីថ្ងៃទី៩ ខែសីហា ហើយពេលនេះទទួលបាន ២២.០០០ Like និង ១៥.០០០ Share ៕
ប្រភព៖ rasmeinews.com