រូបរាងនៅទីនេះមិននិយាយពីការស្លៀកពាក់ខោអាវធម្មតា រូបរាងកាយ ម៉ូតសក់ និងការផាត់មុខរួមបញ្ចូលទេ។ ប៉ុន្តែគឺសំដៅលើឬកពារខាងក្រៅ និងអាកិប្បកិរិយាខាងក្នុងរួមគ្នា ទើបធ្វើឲ្យអ្នកទិញមានចំណាប់អារម្មណ៍ទិញផលិតផលខ្លួន។

1.     ផ្នែកអត្តចរិក

ត្រូវតែមានចរិកទន់ភ្លន់ សុភាពរាបសារ សើចជានិច្ច ទទួលរាក់ទាក់ភ្ញៀវ ចេះអធ្យាស្រ័យ គោរព និងជួយភ្ញៀវគ្រប់ពេល។

2.     ការទំនាក់ទំនង

ពាក្យសំដីត្រូវតែទន់ភ្លន់ ពិរោះ មិនគំរោះគំរើយ។ ត្រូវតែស្តាប់ពាក្យទូន្មានរបស់ភ្ញៀវដោយមិនតវ៉ា។ ពេលដែលភ្ញៀវកំពុងនិយាយមិនត្រូវកាត់សំដី ត្រូវស្តាប់មុនទើបឆ្លើយតបក្រោយ។ ម្យ៉ាងទៀតពេលដែលភ្ញៀវទូរស័ព្ទមកត្រូវតែឆ្លើយតបដោយគួរសម។

3.     ការណែនាំផលិតផល

ត្រូវតែណែនាំផលិតផលណាដែលមានគុណភាពល្អ ងាយស្រួលប្រើ និងមានតម្លៃសមរម្យ។

4.     ការផ្តល់ភាពជឿជាក់

ត្រូវតែធ្វើឲ្យអតិថិជនមានទំនុកចិត្តលើផលិតផលរបស់ខ្លួន ដោយមិនយកមកប្តូរវិញ។ ហើយថែមទាំងទិញកាន់តែច្រើន ហើយណែនាំឲ្យអ្នកដទៃមកទិញថែមទៀត។ ដូចនេះ បើអ្នកអាចអនុវត្តន៍តាមវិធីខាងលើប្រាក់ចំណូលរបស់អ្នកនឹងកើនជាលំដាប់៕