កីឡាករអត្តពលកម្មគឺជាមនុស្សពិសេសដែលងាយនឹងកើតបញ្ហាស្បែកណាស់ដូចជា ការបង្ករោគនៅលើស្បែកតែម្តង។ ដើម្បីបន្ថយការប្រឈមមុខ យកល្អគួរតែព្យាយាមធ្វើដូចខាងក្រោមនេះ៖
- ការពារស្បែកដែលមានរបួសជាមួយនឹងការលាងសម្អាត និងប្តូរបង់រុំជាទៀងទាត់
- ការពារកុំឲ្យមានពងបែកនៅស្បែកតាមរយៈការប្រើស្ព្រាយ ជែល ឬបង់រុំនៅកន្លែងដែលងាយមានពងបែក។ ចូរប្រាកដថា អ្នកពាក់ស្បែកជើងបានត្រឹមត្រូវ និងជ្រើសរើសស្រោមជើងពិសេស ឬស្រោមដៃពិសេសសម្រាប់បញ្ហាពងបែកនៅប្រអប់ដៃ ឬប្រអប់ជើង។
- ចូរពាក់សម្លៀកបំពាក់ដែលអាចបឺតសំណើមចេញពីស្បែក
- ចូរប្រើកន្សែងស្អាតសម្រាប់ជូតខ្លួន
- មិនត្រូវប្រើប្រាស់ផលិតផលថែរក្សារាងកាយផ្ទាល់ខ្លួនជាមួយអ្នកដទៃទេដូចជា សាប៊ូ ឬឡាមកោពុកមាត់
- ចូរបោកសម្លៀកបំពាក់ កន្សែង និងកាបូបកីឡាក្រោយពីប្រើប្រាស់រួច
- ចូរពិនិត្យមើលស្បែកដោយប្រុងប្រយ័ត្នរាល់ថ្ងៃដើម្បីរកមើលសញ្ញានៃការបង្ករោគ ឬរបួស៕