បំណងប្រាថ្នាចុងក្រោយរបស់ក្មេងប្រុសម្នាក់ ដែលមានជំងឺព្យាបាលមិនជាគួរឱ្យអាណិត បានក្លាយ ជាការពិត នៅពេលរៀបការជាមួយម្តាយរបស់ខ្លួនក្នុងពិធីមង្គលការដ៏អធិកអាធ័ម ដែលត្រូវបាន រៀបចំឡើងជាពិសេសឱ្យដូចទិដ្ឋភាពក្នុងខ្សែភាពយន្តរឿងព្រេងនិទាន Disney។
កាសែត The Sun បានចុះផ្សាយថា កុមារា ឡូហ្គែន ម៉ោនខាស៊ល (Logan Mountcastle) អាយុ ៧ ឆ្នាំដែលត្រូវបានគ្រូពេទ្យធ្វើរោគវិនិច្ឆ័យឃើញកើតជំងឺ Leukodystrophy ជាជំងឺហ្សែន ដ៏ចម្លែកម្យ៉ាងដែលព្យាបាលមិនជាកាលពីខែធ្នូ ញញឹមបិទមាត់មិនជិតឡើយ នៅពេលរៀបការជា មួយម្តាយរបស់ខ្លួនឈ្មោះ ចូលីន (Joelean)។
អ្នកជំនាញអះអាងថា ជំងឺនេះបានធ្វើឱ្យប៉ះពាល់ដល់ខួរក្បាលនិងប្រព័ន្ធប្រសាទរបស់ក្មេងប្រុសនេះ។ មិត្តភក្តិរាប់សិបនាក់ និងក្រុមគ្រួសារបានចូលរួមមង្គលការដែលរៀបចំឡើងនៅក្លឹប Gainsborough Liberal Club ស្ថិតនៅក្នុងតំបន់លីនខុនសៀ (Lincolnshire) ប្រទេសអង់គ្លេស នេះ។
ភ្ញៀវដែលចូលរួមរំជួលចិត្តដល់ថ្នាក់ស្រក់ទឹកភ្នែក នៅពេលក្មេងប្រុស ឡូហ្គែន ដែលស្ថិតក្នុងឈុត ព្រះអង្គម្ចាស់ដើរកាន់ដៃម្តាយដើម្បីស្វាគមន៍ភ្ញៀវកិត្តិយស និងសាច់ញាតិ៕
ប្រភព៖ rasmeinews.com