​រូបភាព​ដ៏​ស្រងូតស្រងាត់​ជាច្រើន​បានបង្ហាញ​ទារក​ស្រី​ម្នាក់​នៅក្នុង​ប្រទេស​ឥណ្ឌា​កំពុង​ប្រឈម​នឹង​ការប្រណាំង​ប្រជែង​ជាមួយ​ពេលវេលា​សម្រាប់​ការវះកាត់​ដើម្បី​យក​ដុំ​សាច់​ដ៏​ធំ​ចេញពី​កញ្ចឹងក​របស់​នាង​។​

​ក្មេង​តូច ឈ្មោះ កៅ​គូ​ចាង​ទី រីង មាន​ជំងឺ​សរសៃឈាម​ម្យ៉ាង​ហៅថា AVM ដែល​បង្ក​ឱ្យ​ប៉ោង​សរសៃ​ឈាមខ្មៅ​ជាំ​នៅក្រោម​ស្បែក បណ្តាលឱ្យ​ខូច​រូបរាង​របស់​ក្មេង​នេះ​។​

​វេជ្ជបណ្ឌិត​ព្រមាន​ថា​ស្ថានភាព​ជំងឺ​របស់​នាង​កាន់តែ​ដុនដាប​ពីមួយថ្ងៃ​ទៅមួយថ្ងៃ ហើយ​ប្រាប់ថា​ត្រូវការ​ប្រាក់​ចំនួន ៥០០.០០០ រូពី (៧.១៥១ ដុល្លារ​) ដើម្បី​វះកាត់​យក​ដុំ​សាច់​រឹង​ដូច​ថ្ម​នេះ​ចេញ​។​

​ប៉ុន្តែ​ម្តាយ​ក្រីក្រ​របស់​នាង​មិនមាន​លទ្ធភាព​បង់ថ្លៃ​បែបនេះ​ទេ​និង​សម្រេចចិត្ត​រៃអង្គាសប្រាក់​ក្នុង​ក្តីសង្ឃឹម​ចុងក្រោយ​សម្រាប់​កូនស្រី​អាយុ ១០ ខែ​របស់គាត់​។​

​នាង បាក់​ទី​រុង អាយុ ២០ ឆ្នាំ​គ្មាន​ស្វាមី ឥឡូវ​បានទទួល​ជំនួយ​ពី​សប្បុរសជន​ក្នុង​តំបន់ ដែល​បាន​អំពាវនាវ​ដល់​អ្នក​ដែលមាន​ចិត្តបុណ្យ​ឱ្យជួយ​បរិច្ចាគ​៕

ប្រភព៖ rasmeinews.com