ខាងក្រោមនេះ យើងខ្ញុំនឹងបង្ហាញអ្នកពីពេលដែលអ្នកមិនគួរឲ្យកូនញ៉ាំទឹក ព្រោះអាចធ្វើឲ្យគេកើតមានគ្រោះថ្នាក់បាន។ តើមានអ្វីខ្លះទៅ?

1.    នៅមុនញ៉ាំបាយកន្លះម៉ោង អ្នកមិនគួរឲ្យកូនញ៉ាំទឹកឡើយ ព្រោះអាចកាត់បន្ថយបរិមាណនៃការពិសារបាយរបស់កូនឲ្យមកជាតិចវិញ ដោយធ្វើឲ្យកូនមិនអាចទទួលបានសារធាតុចិញ្ចឹមបានគ្រប់គ្រាន់ឡើយ។ ម្យ៉ាងទៀត ក្រោយពេលបរិភោគបាយកន្លះម៉ោង អ្នកក៏មិនគួរឲ្យកូនញ៉ាំទឹកដែរ ព្រោះអាចធ្វើឲ្យក្រពះ និងពោះវៀនអ្នករងសម្ពាធខ្លាំង។

2.    ក្រោយពេលដែលកូនលេងច្រើនរួច កូននឹងហត់ ហើយបែកញើស។ ក្នុងពេលនេះ អ្នកមិនគួរឲ្យកូនញ៉ាំទឹកភ្លាមឡើយ ព្រោះអាចធ្វើឲ្យពោះវៀន និងក្រពះគេមិនស្រួលឡើយ។ ដូចនេះ អ្នកគួរតែឲ្យកូនសម្រាកសិន ទើបអាចឲ្យគេញ៉ាំទឹក ទើបមិនប៉ះពាល់ដល់សុខភាពកូន។

3.    អ្នកមិនគួរឲ្យកូនញ៉ាំទឹកច្រើនមុនពេលចូលគេងឡើយ ព្រោះអាចធ្វើឲ្យប៉ះពាល់ដល់ដំណេករបស់កូនបាន។ ជាពិសេស ក៏អាចធ្វើឲ្យប៉ះពាល់ដល់ការលូតកម្ពស់របស់កូនផងដែរ។ ម្យ៉ាងទៀត ក្រោយពេលដែលកូនក្រោកឡើង ភ្នែកកូននឹងអាចហើមបាន។ ដូចនេះ នៅពេលដែលឲ្យកូនញ៉ាំទឹក អ្នកគួរតែចៀសពីពេល៣នេះ ទើបមិនធ្វើឲ្យកូនប្រឈមមុខនឹងគ្រោះថ្នាក់៕