បុរសម្នាក់ដែលជាម្ចាស់ចម្ការទុរេននៅខេត្តតាក់ (Tak) ប្រទេសថៃ បានដាក់ដេញថ្លៃទុរេនយក្ស មួយផ្លែដែលមានទម្ងន់ដល់ទៅ ១៨ គីឡូ។
លោក ថាណាផុន ចៃនុក (Thanapon Chainok) អាយុ ៥១ ឆ្នាំដែលមានចម្ការទុរេនលើផ្ទៃដី ២ ហិកតានក្នុងស្រុកប្រុប ប្រា (Prop Phra) ខេត្តតាក់ និយាយថា ទុរេនយក្សនេះមិនទាន់បេះ នៅ ឡើយទេ ព្រោះមិនទាន់ដល់ពេលដែលអាចបេះបាន។ ប៉ុន្តែគាត់ប៉ាន់ស្មានថាវាមានទម្ងន់ ប្រហែល ១៨ គីឡូ។
គាត់បានបើកការដេញថ្លៃផ្លែទុរេនយក្សនេះ ដោយតម្លៃចាប់ផ្តើមដំបូងគឺ ១០.០០០ បាត (៣០០ ដុល្លារអាមេរិក) ហើយតម្លៃចុងក្រោយបានឡើងដល់ ៧៣.០០០ បាត (២.២០០ ដុល្លារអាមេរិក) ហើយ។
គាត់បានបញ្ជាក់ថា ការដេញថ្លៃមិនទាន់ចប់នៅឡើយទេ ពោលគឺបន្តរហូតដល់ថ្ងៃទី១២ ខែសីហា។ តាមធម្មតាគាត់លក់ទុរេននៅកសិដ្ឋានរបស់គាត់មួយគីឡូតម្លៃត្រឹមតែ ៨៥ បាត (ប្រហែល ២ ដុល្លារអាមេរិក) ប៉ុណ្ណោះ៕
ប្រភព៖ rasmeinews.com