ក្នុងចំណោមអត្ថប្រយោជន៍ចំពោះសុខភាពនៃអាស៊ីតហ្វូលិកគឺថា វាអាចជួយបង្ការការខូចអវៈយវៈពីកំណើតលើទារកដែលកំពុងតែលូតលាស់ក្នុងផ្ទៃបាន។ ប៉ុន្តែស្រ្តីមានផ្ទៃពោះមិនគ្រាន់តែជាមនុស្សដែលត្រូវការប្រើប្រាស់វាទេ តែវាក៏មានប្រយោជន៍ចំពោះមនុស្សដូចខាងក្រោមនេះទៀតដែរ៖
- ស្រ្តីដែលមានផ្ទៃពោះ ឬចង់មានផ្ទៃពោះ ឬម្តាយដែលបំបៅដោះកូន
- ស្រ្តីដែលធ្លាប់សម្រាលកូនមកខូចអវៈយវៈ ជាពិសេសពកឆ្អឹងខ្នង ហើយចង់មានផ្ទៃពោះម្តងទៀត
- ស្រ្តីដែលមានសមាជិកគ្រួសារកើតជំងឺពកឆ្អឹងខ្នង
- ស្រ្តីដែលមានជំងឺពកឆ្អឹងខ្នង និងចង់មានផ្ទៃពោះដែរ
- អ្នកដែលកំពុងតែប្រើថ្នាំគ្រប់គ្រងជំងឺរ៉ាំរ៉ៃដូចជា ជំងឺឆ្អួតជ្រូក ជំងឺទឹកនោមផ្អែមប្រភេទទី២ ជំងឺរលាកពោះវៀន ជំងឺ Lupus ជំងឺហឺត ជំងឺរលាកសន្លាក់បែប Rheumatoid Arthritis ឬស្រែង
- អ្នកជំងឺលាងឈាម
- អ្នកដែលមានជំងឺកង្វះគ្រាប់ឈាមប្រភេទ Sickle Cell ជំងឺ Celiac ឬជំងឺថ្លើម
- អ្នកដែលញ៉ាំគ្រឿងស្រវឹងច្រើនជាងម្តងក្នុងមួយថ្ងៃ និងញឹកញាប់៕