ការអនុវត្តអនាម័យដៃបានល្អត្រូវបានគេណែនាំដោយអ្នកជំនាញជាច្រើន ដើម្បីជាមធ្យោបាយដ៏ល្អបំផុតសម្រាប់បង្ការ ឬបន្ថយការឆ្លងដោយវីរុស កូរ៉ូណា បាន។ អ្នកស្រាវជ្រាវបានដាក់បម្រាមថា វីរុសកូរ៉ូណា របស់ទីក្រុងវ៉ូហាននេះ នៅតែមានភាពឆ្លងខ្លាំងជាងទិន្នន័យនាពេលបច្ចុប្បន្នទៅទៀត។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)សល់សព្វថ្ងៃនេះ វីរុសប្រភេទថ្មីមួយនេះបានឆ្លងទៅច្រើនជាង ២០ប្រទេសទៅទៀតរួមទាំងប្រទេសឥណ្ឌា និងអាមេរិកផង។
យ៉ាងណាមិញ មិនមានការព្យាបាលពិសេសណាមួយសម្រាប់ការបង្ករោគដោយវីរុស កូរ៉ូណា នេះនៅឡើយទេ ហើយអ្នកវិទ្យាសាស្រ្តជាច្រើនកំពុងតែដុតដៃដុតជើងដើម្បីបង្កើតជាវ៉ាក់សាំងដើម្បីបង្ការវីរុសមួយនេះ។ ទោះបីជាយ៉ាងណាក៏ដោយ អង្គការសុខភាពពិភពលោក និង CDC បានផ្តល់ជាវិធានការបង្ការដូចជា លាងសម្អាតដៃជាញឹកញាប់ ចៀសវាងការប៉ះពាល់ជាមួយអ្នកមានរោគសញ្ញាជំងឺផ្តាសាយ ស្វែងរកជំនួយពីគ្រូពេទ្យភ្លាមក្រោយពេលឆ្លងជំងឺភ្តាសាយ ក្អក និងរោគសញ្ញាផ្លូវដង្ហើម។ ប្រហែលជាការលាងសម្អាតដៃគឺជាមធ្យោបាយដ៏ងាយស្រួលបំផុតមួយដើម្បីការពារខ្លួនឯង និងគ្រួសារពីការឆ្លងជំងឺបាន។
ខាងក្រោមនេះខ្ញុំនឹងបង្ហាញពីវិធី ៥យ៉ាងក្នុងការលាងសម្អាតដៃឲ្យបានស្អាតល្អ និងអាចបង្ការពីការឆ្លងវីរុស កូរ៉ូណា បាន៖
- ជំហ៊ានទី១៖ ចូរលាងសម្អាតប្រអប់ដៃជាមួយទឹកចេញពីក្បាលរ៉ូមីណេ ឬទឹកស្អាត ហើយដាក់សាប៊ូបន្ថែម
- ជំហ៊ានទី២៖ ចូរដុសដៃជាមួយសាប៊ូឲ្យសព្វដៃទាំងអស់រួមទាំងខ្នងដៃ ចន្លោះម្រាមដៃ និងក្រចកដៃ
- ជំហ៊ានទី៣៖ CDC បានណែនាំថា អ្នកគួរតែខាតត្រដុះដៃពេលលាងយ៉ាងហោចណាស់ ២០នាទីជានិច្ច
- ជំហ៊ានទី៤៖ ចូរប្រាកដថា អ្នកបានលាងសម្អាតប្រអប់ដៃឡើងវិញក្រោយលាងជាមួយសាប៊ូរួច ជាមួយនឹងទឹកចេញពីក្បាលរ៉ូមីណេ
- ជំហ៊ានទី៥៖ ឥឡូវនេះ ចូរសម្ងួតប្រអប់ដៃតាមរយៈការប្រើកន្សែងពោះគោស្អាត ឬខ្យល់ស្ងួត។
ការថែរក្សាអនាម័យផ្ទាល់ខ្លួនបានល្អដូចជា ការលាងសម្អាតដៃញឹកញាប់អាចសម្លាប់វីរុសបានបើសិនជាវាស្ថិតនៅលើប្រអប់ដៃអ្នក។ យ៉ាងណាមិញ បើសិនជាមិនមានសាប៊ូ និងទឹកទេ ចូរជ្រើសរើសទឹកលាងដៃមានជាតិអាលកុលដែលផ្ទុកទៅដោយជាតិអាលកុលយ៉ាងហោចណាស់ ៦០ភាគរយ។ វាប្រហែលជាត្រូវបានគេសម្គាល់ឃើញថា ទឹកលាងដៃអាចបន្ថយចំនួនមេរោគនៅលើប្រអប់ដៃបានលឿន ប៉ុន្តែវាមិនអាចជួយសម្លាប់មេរោគគ្រប់ប្រភេទបានឡើយ។ (អាន:ថ្នាំងងុយគេង ពេលអ្នកគួរប្រើ)ដូច្នេះការលាងសម្អាតដៃដោយប្រើសាប៊ូ និងទឹកគឺជាមធ្យោបាយដ៏ល្អបំផុតក្នុងការប្រឆាំងមេរោគក្នុងជីវិតប្រចាំថ្ងៃបាន៕