Join with Health.com.kh on Telegram

ពេលខ្លះ រឿង និងទម្លាប់សាមញ្ញៗមួយចំនួនដែលយើងធ្វើក្រោយពីបាយថ្ងៃត្រង់ ឬយប់រួច អាចមានឥទ្ធិពលយ៉ាងខ្លាំងចំពោះសុខភាពយើងដែរ។ មនុស្សយើងភាគច្រើនចូលចិត្តញ៉ាំតែភ្លាមក្រោយបាយរួច ដោយយល់ថាវាអាចជួយដលើការរំលាយអាហារ ខណៈពេលដែលអ្នកអ្នកជក់បារីខ្លះនឹងទៅជក់បារីទៀត ប៉ុន្តែតើរឿងទាំងនេះនឹងល្អចំពោះអ្នកដែរទេ? (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)យ៉ាងណាមិញ ខាងក្រោមនេះខ្ញុំនឹងបង្ហាញអំពីរឿងមួយចំនួនដែលអ្នកគួរតែចៀសវាងក្រោយពីបាយរួច៖

ងូតទឹក

អ្នកប្រហែលជាធ្លាប់លឿមនុស្សចាស់នៅផ្ទះនិយាយថា កុំឲ្យទៅងូតទឹកភ្លាមក្រោយពីបាយរួច។ យ៉ាងណាមិញការដែលមានទម្លាប់ទៅងូតទឹកភ្លាមក្រោយបាយរួចអាចរំខានដល់ការរំលាយអាហារបាន។ នេះដោយសារតែនៅពេលអ្នកធ្វើសកម្មភាពបែបងូតទឹក ឬហែលទឹក លំហូរឈាមទៅក្នុងរាងកាយនឹងស្ថិតក្នុងស្ថានភាពកំពុងតែប្រើប្រាស់ថាមពល ហើយដោយសារតែពេលបាយរួចរាងកាយត្រូវការថាមពលដើម្បីរំលាយអាហារ ប៉ុន្តែការងូតទឹកភ្លាមបែបនេះនឹងរំខានដល់សកម្មភាពខាងលើបាន។ ការងូតទឹកនឹងទាញចរន្តឈាមចេញពីក្រពះដើម្បីរត់ទៅចុងដៃ និងជើងវិញ។ ដើម្បីរំលាយអាហារបានល្អ អ្នកត្រូវការថាមពលគ្រប់គ្រាន់ និងលំហូរឈាមដ៏ល្អចូលទៅក្នុងក្រពះ។ ដូច្នេះហើយទើបគេណែនាំឲ្យអ្នកគួរតែរងចាំ ៣០ ទៅ៤០នាទីសិនក្រោយពេលបាយរួចចាំទៅងូតទឹក។ 

ជក់បារី

ការជក់បារីគ្រប់ពេលវេលាទាំងអស់សុទ្ធតែបង្កគ្រោះថ្នាក់ដល់សុខភាព។ គេនិយាយថា បើសិនជាអ្នកជក់បារីក្រោយបាយរួច វានឹងនាំឲ្យមានការតោងអុកស៊ីសែនក្នុងការរំលាយអាហារ ដែលជាហេតុនាំឲ្យរាងកាយបឺតស្រូបភ្នាក់ងារបង្កជំងឺមហារីកចូលទៅក្នុងខ្លួនកាន់តែច្រើន។ អ្នកវិទ្យាសាស្រ្តបានដាក់បម្រាមថា ការជក់បារីមួយដើមក្រោយបាយរួចអាចធ្វើឲ្យប្រឈមកាន់តែខ្លាំងនឹងមហារីកដូចជា មហារីកពោះវៀន និងសួត។ ការជក់បារីគឺជារឿងដ៏អាក្រក់បំផុតសម្រាប់សុខភាពអ្នកហើយ។ 

ញ៉ាំតែ

សម្រាប់មនុស្សភាគច្រើន ការញ៉ាំតែភ្លាមៗក្រោយបាយរួចទំនងជារឿងល្អមួយសម្រាប់របៀបរស់នៅដែលផ្តល់សុខភាពអ៊ីចឹង។ ប៉ុន្តែតើអ្នកមានដឹងទេថា ទម្លាប់បែបនេះអាចរំខានដល់រាងកាយបឺតស្រូបជីវជាតិ ជាពិសេសជាតិដែកពីក្នុងអាហារដែរទេ? រឿងនេះក៏អាចរំខានដល់ការរំលាយអាហារដែរ ដោយសារតែស្លឹកតែគឺជាអាស៊ីត ដែលអាចធ្វើឲ្យប្រូតេអ៊ីនក្នុងអាហារដែលអ្នកញ៉ាំកាន់តែរឹង។ ដូច្នេះអ្នកគួរតែរងក្រោយបាយរួច ៣០នាទីសិនចាំញ៉ាំតែក្រោយ។ 

ញ៉ាំផ្លែឈើ

ខណៈពេលដែលមនុស្សភាគច្រើនមានទម្លាប់ញ៉ាំផ្លែឈើក្រោយបាយ វាមិនមែនជារឿងល្អទេដែលអ្នកគិតបែបនេះ ព្រោះវាមិនអាចផ្តល់ការរំលាយអាហារបានល្អទេ។(អាន:ថ្នាំងងុយគេង ពេលអ្នកគួរប្រើ) វាត្រូវបានគេណែនាំថា គួរតែញ៉ាំផ្លែឈើពេលពោះទទេ ឬមុន ឬក្រោយបាយ ២ម៉ោង ទើបជាពេលវេលាដែលរាងកាយអាចទទួលបានជីវជាតិច្រើនបំផុតពីផ្លែឈើ៕