ខាងក្រោមនេះ យើងខ្ញុំនឹងបង្ហាញអ្នកពីរបស់ទាំងឡាយដែលមិនអាចជូនគេបាន ព្រោះអាចនាំស៊យចូលមក។ តើមានអ្វីខ្លះទៅ?
1. អ្នកមិនគួរជូនកាបូបលុយអ្នកដទៃឡើយ ព្រោះកាបូបលុយគឺជាឃ្លាំងលុយរបស់អ្នក។ ដូចនេះ បើអ្នកជូនកាបូបលុយដល់អ្នកដទៃ ប្រៀបដូចជាដឹកឃ្លាំងទ្រព្យអ្នកទៅឲ្យអ្នកនោះអញ្ចឹង។
2. អ្នកមិនគួរទិញកាំបិតជូនអ្នកដទៃឡើយ ព្រោះអាចធ្វើឲ្យអ្នកបាត់បង់គូស្រករបាន។ ជាពិសេស លាភអ្នកនឹងអាចធ្លាក់ចុះជាខ្លាំង។
3. អ្នកមិនគួរជូនអាងត្រីដល់អ្នកដទៃនោះទេ ព្រោះអាចធ្វើឲ្យទ្រព្យប្រមូលផ្តុំក្នុងផ្ទះអ្នកមិនបានឡើយ ដោយអាចរត់ទៅផ្ទះអ្នកដទៃបានយ៉ាងងាយ។
4. នាឡិកាក៏អ្នកមិនគួរជូនដែរ ព្រោះវាមិនល្អសម្រាប់អ្នកដទៃឡើយ វាអាចឆក់យកអាយុជីវិតរបស់អ្នកទាំងនោះបានយ៉ាងងាយ។
5. ប្រសិនជាអ្នកទិញស្បែកជើងដើម្បីជូនអ្នកដទៃ នោះយូរទៅអ្នកទាំងពីរនឹងអាចបាត់បង់ទំនាក់ទំនងនឹងគ្នា ដោយកាន់តែឃ្លាតកាន់តែឆ្ងាយ។
6. បើអ្នកជូនឆ័ត្រដល់អ្នកដទៃវិញ នោះអ្នកទាំងពីរអាចបែកគ្នាក្នុងថ្ងៃណាមួយ ដោយមិនស្ថិតនៅក្រោមឆ័ត្រតែមួយនោះទេ។
7. អ្នកមិនគួរជូនតុក្កតាដល់គ្នាឡើយ ព្រោះរបស់មួយនេះ ប្រៀបដូចជាជនទី៣ដែលអាចបំផ្លាញទំនាក់ទំនងក្នុងគ្រួសារអ្នកក្នុងថ្ងៃណាមួយ។ ជាហេតុដែលធ្វើឲ្យអ្នកមិនអាចរស់នៅជាមួយគ្នាបានសុខស្រួលឡើយ។
8. អ្នកមិនគួរជូនខ្នើយដល់អ្នកដទៃឡើយ ព្រោះអាចនាំរឿងស្មុគស្មាញចូលមករកអ្នកច្រើន។ ដូចនេះ អ្នកនឹងមិនអាចរស់នៅបានសុខស្រួលនោះទេ ដោយមានរឿងចូលមកជាបន្តបន្ទាប់ជាមិនខានឡើយ៕