កូនគោចម្លែកកើតមកក្បាល ២ បានធ្វើឱ្យអ្នកភូមិមានការភ្ញាក់ផ្អើលយ៉ាងខ្លាំងនៅភាគពាយព្យ ប្រទេសចិន។
វីដេអូសត្វគោចម្លែកនៅក្នុងភូមិមួយនៅក្នុងទីក្រុងសានយ៉ាង ខេត្តសាអានស៊ី បានបង្ហាញ គោនេះមានក្បាលធំ២ ត្រចៀក ២ មាត់ ២ និងភ្នែក ៤។
កូនគោនេះឃើញដេករមៀលចុះឡើងនៅលើដីទាំងអស់សង្ឃឹម ព្រោះវាមិនអាចក្រោកឈរដោយខ្លួនវាបាន។
បន្ទាប់ពីកើតមកខុសប្រក្រតីកាលពីថ្ងៃព្រហស្បតិ៍សប្តាហ៍មុន ម្ចាស់ឈ្មោះ ហ្វេង វិនហុង បានចែករំលែករូបភាពកូនគោនេះ ដែលគេនិយាយថារងផលប៉ះពាល់ពីការប្រែប្រួលហ្សែនមួយចំនួន នៅពេលវាកំពុងស្ថិតនៅក្នុងស្បូនមេវា។
យោងតាមរបាយការណ៍ក្នុងស្រុកបានឱ្យដឹងថា មេគោអាយុ ៦ ឆ្នាំអាចរស់រានមានជីវិតពីការលំបាកក្នុងការសម្រាលកូនរបស់វា ហើយកាលពីមុនវាបានកើតកូនគោសុខភាពល្អ ៤ ក្បាល។
លោកស្រី ហ្វេង វិនហុង និយាយថា “កូនគោដទៃទៀតគឺធម្មតា។ គោទាំងនោះបាននាំចំណូលដល់គ្រួសាររបស់យើងពី ៦.០០០ យ័នទៅ ៧.០០០ យ័ន”៕
ប្រភព៖ rasmeinews.com