បុរសម្នាក់ ដែលមិនអាចរួមភេទជាមួយប្រពន្ធរបស់គាត់អស់រយៈពេល ៧ ឆ្នាំ ដោយសារតែពងស្វាសមានទម្ងន់ដល់ទៅ ៣៦ គីឡូក្រាម បាននិយាយថា គាត់ឥឡូវនេះមានការព្រួយបារម្ភអំពីសុខភាពសាជាថ្មី។
លោក ដាន់ មូអឺ (Dan Mauer) ទទួលបានជោគជ័យក្នុងការវះកាត់យកពងស្វាសទម្ងន់ ៣៦ គីឡូក្រាមនេះចេញក្នុងឆ្នាំ ២០១៤ ក្នុងការវះកាត់រយៈពេល ១២ ម៉ោង បន្ទាប់ពីចំណាយពេលជាច្រើនឆ្នាំរស់នៅដូចជាអ្នកទោសនៅក្នុងខ្លួនប្រាណខ្លួនឯង។
ភរិយារបស់គាត់ ឈ្មោះ មីនឌី បានជួយគាត់ងូតទឹកក្នុងបន្ទប់ងូតទឹកដែលប្រើសម្រាប់នោមផងដែរ ដោយសារតែពងស្វាសរបស់គាត់ធំពេកមិនអាចនោមក្នុងបង្គន់ធម្មតាបាន។
ប៉ុន្តែបន្ទាប់ពីយុទ្ធនាការ GoFundMe ដើម្បីរៃអង្គាសមូលនិធិសម្រាប់ការវះកាត់ផ្លាស់ប្តូរជីវិតរបស់គាត់ គាត់បានបង្ហាញខ្លួននៅក្នុងភាពយន្តឯកសារ TLC ដែលបានតាមដានដំណើររបស់គាត់តាំងពីដើមរហូតដល់ការវះកាត់ចោលពងស្វាសធំនោះបានសម្រេច។
ថ្មីៗនេះ TLC បានបង្ហោះវីដេអូឯកសារនោះទៅកាន់ទំព័រ YouTube របស់ខ្លួន ដោយនាំយករឿងរ៉ាវរបស់ដាន់ឱ្យទស្សនិកជនថ្មីៗបានឃើញ។
ប៉ុន្តែឥឡូវគេបានដឹងថា បុរសអាយុ ៤៣ ឆ្នាំកំពុងមានបញ្ហាប្រឈមថ្មីមួយនៅពីមុខគាត់ ហើយវាគឺជាប់ពាក់ព័ន្ធនឹងសម្រកទម្ងន់បន្ថែមទៀត។
ជំនួសឱ្យការកាត់ចោលពងស្វាសធំ លើកនេះលោកដាន់សង្ឃឹមថានឹងសម្រកទម្ងន់ពីខ្លួនរបស់គាត់ដោយភ័យខ្លាចថា ប្រសិនបើគាត់មិនធ្វើដូច្នេះទេ គាត់អាចនឹងទទួលរងនូវជំងឺគាំងបេះដូង៕
ប្រភព៖ rasmeinews.com