ប្រសិនជាអ្នកអាចរៀបចំ១៥នាទីដំបូងមុនពេលដែលអ្នកចូលសំភាសបានល្អ នោះអ្នកនឹងអាចទទួលបានការងារជាមិនខាន។ តើមានអ្វីខ្លះទៅ?
1. អ្នកគួរតែធ្វើយ៉ាងណារំងាប់អារម្មណ៍ភ័យរបស់អ្នកចោលឲ្យអស់ ដោយរក្សាតែអារម្មណ៍ល្អ និងស្ងប់ ព្រោះបើអ្នកភ័យមុនចូលសំភាស អ្នកមិនងាយឆ្លើយសំណួរបានល្អឡើយ។
2. អ្នកគួរតែទៅដល់កន្លែងសំភាសនោះឲ្យបានមុន ហើយរងចាំក្នុងឡាន ឬហាងកាហ្វេជិតនោះ ព្រោះបើអ្នកចូលទៅលឿនពេក អាចផ្តល់សម្ពាធដល់អ្នកដែលសំភាសអ្នក។ បើអ្នកមកយឺត នោះអារម្មណ៍អ្នកនឹងកាន់តែភ័យ ដោយឆ្លើយមិនបានល្អឡើយ។
3. នៅពេលដែលអ្នកចូលដល់បរិវេណក្រុមហ៊ុន អ្នកគួរតែធ្វើជាមនុស្សរួសរាយចំពោះបុគ្គលិកទាំងអស់ ទើបពួកគេមិនគិតថាអ្នកឬកខ្លាំង។
4. អ្នកមិនគួរហាត់សមដូចជាត្រូវឡើងឆាកនោះទេ ដោយអ្នកគួរតែធ្វើធម្មតា ហើយឆ្លើយទៅតាមគំនិតរបស់អ្នក ទើបអាចទាក់ទាញចំណាប់អារម្មណ៍របស់អ្នកដែលសំភាសអ្នក។
5. អ្នកគួរតែដកដង្ហើមឲ្យវែងមុនចូលបន្ទប់សំភាស ទើបអាចជួយអ្នកឲ្យមានអារម្មណ៍ស្ងប់ មិនភ័យ មិនតក់ស្លុត ហើយឆ្លើយបានល្អ។
6. អ្នកគួរតែអង្គុយនៅកន្លែងរងចាំឲ្យត្រង់ ហើយមានរបៀប ទើបអាចទាក់ទាញចំណាប់អារម្មណ៍បាន។
7. នៅពេលដែលអ្នកអង្គុយរងចាំ អ្នកមិនគួរលេងទូរស័ព្ទនោះទេ ព្រោះជាការមិនសមរម្យ ហើយអាចធ្វើឲ្យអ្នកកាន់តែភ័យបាន នៅពេលដែលគេហៅអ្នកចូលទៅសំភាស។
8. អ្នកអាចមើលឯកសារអ្នកឡើងវិញ ប៉ុន្តែមិនគួរស្រាវជ្រាវទៀតទេ ព្រោះហួសម៉ោងដែលអ្នកត្រូវស្រាវជ្រាវហើយ។ ដូចនេះ មានតែការរំលឹកមួយនេះទេ ទើបអាចធ្វើឲ្យអ្នកចាំបាន។
9. អ្នកគួរតែមើលកញ្ចក់ ហើយប្រាប់ខ្លួនអ្នកថា អ្នកអាចធ្វើបាន គ្មានអ្វីជាឧបសគ្គសម្រាប់អ្នកឡើយ ឲ្យតែអ្នកខំប្រឹងប្រែងឲ្យអស់ពីសមត្ថភាព។
10. អ្នកគួរតែគិតអ្វីដែលសប្បាយរីករាយ ទើបអាចកាត់បន្ថយអារម្មណ៍តានតឹងរបស់អ្នក។ ដូចនេះ មុនពេលសំភាស១៥នាទី អ្នកគួរតែធ្វើតាមចំណុចខាងលើនេះ ដើម្បីអាចទទួលបានជោគជ័យក្នុងពេលសំភាសការងារ៕