ខាងក្រោមនេះ យើងខ្ញុំនឹងបង្ហាញអ្នកពីវិធីសាស្ត្រក្នុងការធ្វើឲ្យបុគ្គលិកសប្បាយចិត្ត។ តើមានអ្វីខ្លះទៅ?

1.    ក្នុងនាមជាអ្នកគ្រប់គ្រងម្នាក់ អ្នកគួរតែជួយបុគ្គលិកអ្នកឲ្យរៀនសូត្រពីការងារឲ្យបានច្រើន ដោយមិនគួរបញ្ជារឲ្យគេធ្វើតែការងារដែលអ្នកត្រូវការនោះទេ ព្រោះអាចធ្វើឲ្យគេមានសម្ពាធខ្លាំងផ្នែកអារម្មណ៍។ ដូចនេះ អ្នកគួរតែផ្តល់ប្រយោជន៍ដល់គេខ្លះ ដើម្បីឲ្យគេបំពេញការងារដោយសប្បាយ។

2.    នៅពេលដែលបុគ្គលិកណាម្នាក់បំពេញការងារបានល្អ ដោយនាំផលខ្ពស់ដល់ក្រុមហ៊ុន អ្នកគួរតែផ្តល់រង្វាន់ដល់ពួកគេ ដើម្បីជាការទទួលស្គាល់ពីការខំប្រឹងប្រែងរបស់ពួកគេ។ ការធ្វើបែបនេះ ជាការលើកទឹកចិត្តដល់បុគ្គលម្នាក់នោះឲ្យកាន់តែប្រឹងប្រែងទៀត ថែមទាំងអាចជួយលើកទឹកចិត្តដល់បុគ្គលិកផ្សេងឲ្យយកគំរូតាមផងដែរ។

3.    នៅពេលដែលគេបំពេញការងារមិនអស់ក្នុងក្រុមហ៊ុន អ្នកមិនគួរបង្ខំឲ្យគេថែមម៉ោងក្នុងក្រុមហ៊ុនឡើយ ដោយគួរតែផ្តល់ជម្រើសដល់គេ ឲ្យគេអាចយកទៅបន្តធ្វើនៅផ្ទះ។ ការធ្វើបែបនេះ នឹងធ្វើឲ្យបុគ្គលិកអ្នកមានអារម្មណ៍បំពេញការងារបានល្អ ព្រោះមិនមែនស្ថិតក្រោមការបង្ខំរបស់អ្នក។ ដូចនេះ អ្នកអាចអនុវត្តតាមវិធី៣នេះ ដើម្បីធ្វើឲ្យក្រុមហ៊ុនអាចទទួលបានផលខ្ពស់ ថែមទាំងអាចធ្វើឲ្យបុគ្គលិកពេញចិត្តធ្វើការនៅក្រុមហ៊ុនអ្នកទៀតផង៕