រោងកុនអាងទឹក (Bathtub Cinema) ដំបូងបង្អស់នៅប្រទេសជប៉ុន គ្រោងនឹងចាក់បញ្ចាំងខ្សែ ភាពយន្តហូលីវូដល្បីៗរយៈពេលបីថ្ងៃតែប៉ុណ្ណោះ។
ខណៈប្រទេសជប៉ុន កំពុងជួបប្រទះរដូវក្តៅដែលក្ដៅខ្លាំងបំផុតចាប់តាំងពីឆ្នាំ១៨៨០ ក្រុមអ្នករៀប កម្មវិធីទូទាំងប្រទេសបាននឹកឃើញគំនិតប្លែកៗប្រកបដោយការច្នៃប្រឌិតដើម្បីទាក់ទាញមនុស្សឱ្យចេញមកខាងក្រៅ កុំឱ្យសម្ងំនៅតែក្នុងផ្ទះដែលមានម៉ាស៊ីនត្រជាក់ស្រួល។
ទន្ទឹមនេះ គេក៏គ្រោងបើករោងកុនអាងទឹកមួយលើជាន់ដំបូលផ្សារទំនើបSHIBUYA109 ក្នុងទីក្រុងតូក្យូ។ ភ្ញៀវអាចចុះត្រាំក្នុងអាងទឹកជាមួយអ្នកជាទីស្រឡាញ់ មិត្តិភក្តិ ឬសាច់ញាតិ បណ្តើរ ទស្សនាភាពយន្តហូលីវូដល្បីៗបណ្តើរ ដោយក្នុងអាងមួយអាចចុះត្រាំបាន ៤ នាក់។
ទោះជាយ៉ាងណា កម្មវិធីដែលទទួលបានការចាប់អារម្មណ៍ខ្លាំងនេះនឹងមានរយៈពេលត្រឹមតែ ៣ ថ្ងៃប៉ុណ្ណោះ គឺចាប់ពីថ្ងៃទី១៧ ខែសីហា ដល់ថ្ងៃទី១៩ ខែដដែល៕
ប្រភព៖ rasmeinews.com