យុទ្ធសាស្ត្រ៤ ធ្វើឲ្យអ្នកប្រមូលអារម្មណ៍បាន ទោះខួរក្បាលហត់ខ្លាំង

ខាងក្រោមនេះ យើងខ្ញុំនឹងបង្ហាញអ្នកពីវិធីក្នុងការរក្សាអារម្មណ៍បានមូល ដើម្បីបំពេញការងារ ទោះបីជាខួរក្បាលហត់នឿយខ្លាំងក៏ដោយ។ តើមានអ្វីខ្លះទៅ?

1.    អ្នកអាចញ៉ាំអាហារសម្រន់តិចៗ ប៉ុន្តែចែកជាច្រើនដង ព្រោះក្រៅពីអាហារ៣ពេល អាហារសម្រន់នេះ អាចធ្វើឲ្យអ្នកមានកម្លាំងក្នុងការបំពេញការងារបានល្អ ដោយមិនងាយមានអារម្មណ៍ថាហត់ខ្លាំងឡើយ។ ប៉ុន្តែអាហារសម្រន់ទាំងនោះ គួរតែមានជាតិស្កររាងទាប ទើបអ្នកមិនងាយប្រឈមមុខនឹងជំងឺទឹកនោមផ្អែម។

2.    មិនថាការងារអ្នករវល់ប៉ុណ្ណាទេ អ្នកគួរតែទុកពេលសម្រាកខ្លះ ទោះបីជាសម្រាកក្នុងរយៈពេល៥នាទីក៏បានដែរ ព្រោះបើអ្នកបន្តបំពេញការងារ ដោយមិនឈប់សោះ នោះខួរក្បាលអ្នកនឹងមិនងាយដំណើរការបានល្អទៀតទេ ព្រោះអ្នកបានប្រើហួសកម្រិតហើយ។ ដូចនេះ ដើម្បីទទួលបានលទ្ធផលខ្ពស់ពីការងារ មានតែការសម្រាកមួយនេះទេ ទើបអាចជួយអ្នកបាន។

3.    ទោះបីជាអ្នកត្រូវបំពេញឯកសារច្រើនយ៉ាងណាក៏ដោយ ក៏អ្នកគួរតែរក្សា និងរៀបចំតុអ្នកឲ្យមានរបៀបរៀបរយដែរ ព្រោះនៅពេលដែលតុស្អាតបាត នោះអ្នកនឹងមានអារម្មណ៍បំពេញការងារ ទោះបីជាហត់នឿយយ៉ាងណាក៏ដោយ។

4.    នៅរៀងរាល់ព្រឹកក្រោយពេលដែលអ្នកក្រោកពីគេង អ្នកគួរតែកំណត់គោលដៅអ្នកឲ្យបានច្បាស់ ទើបអ្នកដឹងថា អ្នកគួរតែដើរផ្លូវណា។ ដូចនេះ បើអ្នកចង់ប្រមូលបានអារម្មណ៍ក្នុងពេលបំពេញការងារ អ្នកគួរតែធ្វើតាមវិធីទាំង៤នេះ ដើម្បីអាចរំងាប់អារម្មណ៍ហត់នឿយខ្លាំងរបស់អ្នកបាន៕