សព្វថ្ងៃនេះមនុស្សដែលមានភ្នែកម្ញូបកាន់តែច្រើនឡើងៗហើយ។ ដូចនេះខាងក្រោមនេះយើងខ្ញុំនឹងបង្ហាញអ្នកពីវិធីសាស្ត្រមួយចំនួនក្នុងការព្យាបាលភ្នែកម្ញូបរបស់អ្នក។ តើមានអ្វីខ្លះទៅ?
1. វិធីទី១នេះ អ្នកអាចរកកន្លែងដែលមានខ្យល់អាកាសបរិសុទ្ធនៅពេលព្រឹក រួចឈរឲ្យត្រង់។ បន្ទាប់មកអ្នកអាចសម្លឹងរកគោលដៅមួយដែលនៅឆ្ងាយ ទើបចាប់ផ្តើមប្រមូលក្រសែលភ្នែកមកវិញយឺតៗ។ បន្ទាប់មកទៀត អ្នកអាចមើលទៅកាន់គោលដៅដែលនៅឆ្ងាយនោះវិញ។ អ្នកអាចធ្វើបែបនេះប៉ុន្មានដង រួចធ្វើការដកដង្ហើមចេញចូល ហើយហាត់ប្រាណ នោះភ្នែកអ្នកនឹងចាប់ផ្តើមធូរស្រាលជាងមុនហើយ។
2. វិធីទី២ អ្នកអាចហាត់ប្រាណនៅថ្ងៃជិតលិច ឬអាចសម្លឹងមើលទៅកែងបង្អួចទាំង៤ជ្រុង ដោយសម្លឹងចុះឡើង ឆ្វេងស្តាំ ដើម្បីឲ្យភ្នែកអាចហាត់ប្រាណបាន។
3. វិធីទី៣ អ្នកអាចអង្គុយនៅពេលមុនចូលគេង រួចបិទភ្នែក។ បន្ទាប់មកអ្នកអាចត្រដុសដៃទាំងសងខាងឲ្យក្តៅ រួចយកទៅដាក់លើភ្នែកទាំងសងខាង។ ក្រោយពេលដែលធ្វើច្រើនដង នោះភ្នែកអ្នកនឹងមានឈាមដើរស្រួលជាមិនខានឡើយ។
4. នៅពេលដែលអ្នកមើលកុំព្យូទ័រ ឬទូរស័ព្ទ អ្នកគួរតែ៥នាទីសម្រាកម្តង ទើបភ្នែកអ្នកមិនងាយខូច៕
