ខណៈពេលដែលការក្រហាយដើមទ្រូងគឺជាបញ្ហាដែលកើតមានជាញឹកញាប់មួយនៃការមានផ្ទៃពោះក៏ដោយ តែវាមានរឿងច្រើនណាស់ដែលអ្នកអាចធ្វើបានដើម្បីជួយការពារបញ្ហានេះកុំឲ្យកើតឡើងខ្លាំងក្លាបានដូចជា៖
- ចូរជំនួសការញ៉ាំអាហារច្រើនៗបីពេលក្នុងមួយថ្ងៃ មកញ៉ាំអាហារតិចៗ តែច្រើនដងវិញ
- ក្រោយពីញ៉ាំអាហាររួច ចូរអង្គុយធម្មតាឲ្យបានប្រហែលមួយម៉ោងសិន
- ចូរលុបបំបាត់អាហារបង្កបញ្ហាដូចជា អាហារហិរ អាហារមានជាតិហ្គាស ឬអាហារសម្បូរជាតិខ្លាញ់
- ដើម្បីបំបាត់ការក្រហាយដើមទ្រូង ចូរញ៉ាំទឹកដោះគោមួយកែវ ឬយ៉ាអួមួយកំប៉ុង។ ឬអ្នកអាចលាយទឹកឃ្មុំមួយស្លាបព្រាជាមួយទឹកដោះគោក្តៅឧណ្ហៗមួយកែវបាន៕