ខាងក្រោមនេះ យើងខ្ញុំនឹងបង្ហាញអ្នកពីទម្លាប់របស់កូនទាំង៤ដែលអាចបំផ្លាញអនាគតគេបាន។ តើមានអ្វីខ្លះទៅ?

1.    នៅពេលដែលកូនធ្វើខុស អ្នកមិនគួរតែងតែកាន់ជើងកូន ហើយនិយាយថាគេនៅតូចរហូតនោះទេ ដោយមិនដាក់ទោសកូន។ ការធ្វើបែបនេះ អាចធ្វើឲ្យកូនមានចរិតកាង អត្មានិយម គ្មានសុជីវធម៌  ដោយមិនគិតពីអ្នកដទៃ ហើយគិតតែខ្លួនគេ។ ដូចនេះ អនាគតគេនឹងចប់។ អ្នកគួរតែបង្រៀនគេឲ្យចេះសុំទោសនៅពេលដែលធ្វើខុស ទើបមិនប៉ះពាល់ដល់អនាគតកូន។

2.    នៅពេលដែលកូនមានទម្លាប់ធ្វើការងារដោយអូសបន្លាយ ដោយធ្វើការងារសាលាយឺត ដុសធ្មេញយឺត ក្រោកពីគេងយឺត ឬធ្វើអ្វីផ្សេងយឺតជានិច្ច អ្នកគួរតែអប់រំកូន និងវឹកហាត់គេឲ្យធ្វើការងារឲ្យលឿនតាំងពីតូច ទើបកូនធំឡើងអាចជោគជ័យក្នុងការសិក្សា និងការងារបាន។

3.     ប្រសិនជាកូនមានទម្លាប់តែងតែតមាត់នឹងអ្នក ឬសមាជិកគ្រួសារ អ្នកគួរតែបង្រៀន និងអប់រំតាំងពីតូច ព្រោះនេះជាទម្លាប់ដែលឈ្លើយមួយ ដែលអាចធ្វើឲ្យកូនវិនាសបាន។ ដូចនេះ អ្នកគួរតែអប់រំកូន ទើបអាចធ្វើឲ្យអ្នកដទៃគោរព និងស្រឡាញ់គេនៅពេលដែលធំឡើង។

4.    ប្រសិនជាកូនមានទម្លាប់ខ្លាចមនុស្សប្លែកមុខតាំងពីតូច អ្នកគួរតែឧស្សាហ៍នាំគេចេញក្រៅ ដើម្បីឲ្យគេជួប និងមើលឃើញមនុស្សច្រើន។ បើអ្នកតែងតែឃុំគេក្នុងផ្ទះ នោះនឹងអាចធ្វើឲ្យគេកាន់តែខ្លាច ដោយអាចធ្វើឲ្យប៉ះពាល់ដល់ផ្លូវចិត្តគេផងដែរ។ ដូចនេះ មានតែនាំគេចេញក្រៅច្រើនទេ ទើបមិនធ្វើឲ្យគេបន្តខ្លាចអ្នកដទៃ៕