ទម្លាប់ផ្តល់សុខភាពល្អគឺជាគន្លឹះដ៏សំខាន់ដើម្បីទទួលបានរបៀបរស់នៅដែលផ្តល់សុខភាព និងស្រកទម្ងន់ ប៉ុន្តែវាមិនមែនតែងតែងាយស្រួលធ្វើឡើយ។ ដូច្នេះដើម្បីជាជំនួយយកល្អគួរតែធ្វើដូចរឿងខាងក្រោមនេះឲ្យបានច្រើនបំផុតតាមតែអាចធ្វើទៅបាន៖
- ញ៉ាំអាហារពេលព្រឹកជារៀងរាល់ព្រឹក និងញ៉ាំអាហារណាដែលផ្តល់សុខភាព។ ចូរជ្រើសរើសប្រូតេអ៊ីនគ្មានខ្លាញ់ គ្រាប់ធញ្ញជាតិ បន្លែ និងផ្លែឈើ
- ចូរកាត់បន្ថយការញ៉ាំកាហ្វេកុំឲ្យច្រើនជាងបីពែងក្នុងមួយថ្ងៃ និងចៀសវាងការបន្ថែមក្រែម និងស្ករច្រើន
- ធ្វើអាហារថ្ងៃត្រង់ញ៉ាំរាល់ថ្ងៃនៅកន្លែងធ្វើការ។ ចូរទិញទុកនូវអ្វីៗដែលសំខាន់សម្រាប់សុខភាពដូចជា សាច់មាន់ អង្ករ បន្លែ ផ្លែឈើ និងគ្រាប់ធញ្ញជាតិ
- ចូរទិញ និងញ៉ាំបន្លែ និងផ្លែឈើឲ្យបានច្រើន
- ចូរចៀសវាងការញ៉ាំអាហារក្រៅ តែគួរចម្អិនអាហារពេលយប់ដោយខ្លួនឯងវិញ។ ការរៀបចំអាហារក្នុងថ្ងៃចុងសប្តាហ៍អាចជារឿងដែលជួយសន្សំលុយបានច្រើនផង៕