កាលពីប្រមាណ ១៥០ លានឆ្នាំមុន សត្វដាយណូស័រកវែងដ៏ធំមួយក្បាលមានវត្តមាន ដើរលើទឹកដីរដ្ឋភាគខាងលិចវ៉ាយអូមីង (Wyoming) សហរដ្ឋអាម៉េរិក ហើយបានបន្សំ ទុកអ្វីដែលក្រុមអ្នកស្រាវជ្រាវបានអះអាងកាលពីថ្ងៃអង្គារសប្តាហ៍នេះថាជាជើងដាយណូស័រធំបំផុតដែលគេមិនធ្លាប់បានរកឃើញពីមុន។
លទ្ធផលរកឃើញដែលចុះផ្សាយក្នុងព្រឹត្តិបត្រ PeerJ បានបង្ហាញថា ឆ្អឹងជើងដែលរកឃើញនៅ ពីក្រោមឆ្អឹងកន្ទុយដាយណូស័រនេះ មានទំហំមួយម៉ែត្រ ហើយគេជឿថាវាជាឆ្អឹងជើង របស់អម្បូរដាយណូស័រ Brachiosaur។
លោក អ៊ែនថូនី មែលធីស (Anthony Maltese) ប្រធានអ្នកនិពន្ធនៅមជ្ឈមណ្ឌលធនធានដាយ ណូស័រភ្នំថ្ម (Rocky Mountain Dinosaur Resource Center) ស្ថិតក្នុងក្រុងវូដលែន ផាក (Woodland Park) រដ្ឋខូឡូរ៉ាដូ សហរដ្ឋអាមេរិក បានប្រាប់ទីភ្នាក់ងារសារព័ត៌មាន AFP ថា “នេះជាជើងដាយណូស័រធំបំផុត”។
អម្បូរដាយណូស័រខាងលើនេះពិតជាធំខ្លាំងណាស់ ដោយគ្រាន់តែឆ្អឹងភ្លៅរបស់វាមានប្រវែង ដល់ទៅប្រមាណ ២,០៧ ម៉ែត្រឯណោះ៕
ប្រភព៖ rasmeinews.com