បុរសថៃម្នាក់បានកាត់លិង្គរបស់មិត្តភក្តិជិតស្និទ្ធរបស់គាត់ហើយបោះវាឱ្យឆ្កែស៊ី បន្ទាប់ពីមិត្តស្រវឹងជោគជាំម្នាក់នោះ “ព្យាយាមលួងលោមប្រលោមស្នេហ៍” ជាមួយប្រពន្ធដែលកំពុងដេកលក់របស់គាត់។
ស៊ូវីត ធីបចន្ថា អាយុ ៣៩ ឆ្នាំបានមកផឹកនៅផ្ទះរបស់មិត្តរួមការងាររបស់គាត់ឈ្មោះ ពឹមសាក់ ប៉េតប្រាសឺត អាយុ ៥០ ឆ្នាំ និងមិត្តម្នាក់ទៀតនៅរាត្រីថ្ងៃសៅរ៍ទី២១កក្កដានៅខេត្តរាជាបុរី ប្រទេសថៃ។
ប៉ុន្តែនៅពេលដែលអ្នកទាំង៣ចាប់ផ្តើមស្រវឹង ពឹមសាក់និងបុរសទី៣បានទៅទិញស្រាបន្ថែមទៀត ដោយទុកឱ្យស៊ូវីត នៅតែម្នាក់ឯងជាមួយនឹងប្រពន្ធរបស់គាត់ ឈ្មោះ ទីន អាយុ ៥២ ឆ្នាំ។
ជាងលាបថ្នាំរថយន្ដក្រុងម្នាក់នេះត្រូវបានចោទប្រកាន់ថាប៉ងលូកលាន់នាង ខណៈដែលនាងកំពុងដេកលក់។
ការណ៍នេះបានធ្វើឱ្យភរិយារបស់ពឹមសាក់ភ្ញាក់ផ្អើលយ៉ាងខ្លាំងហើយនាងបានរត់ទៅខាងក្រៅស្រែករកស្វាមីរបស់នាង ដែលទើបត្រឡប់មកដល់ផ្ទះវិញ។
ពឹមសាក់ដែលខឹងសម្បារយ៉ាងខ្លាំងនោះបានសារភាពប្រាប់ប៉ូលិសថា គាត់បានយកញញួរវាយស៊ូវីតឱ្យសន្លប់ ហើយបន្ទាប់មកបានយកកាំបិតចុងស្រួចកាត់លិង្គរបស់ស៊ូវីតបោះឱ្យឆ្កែស៊ីតែម្តង។
ស៊ូវីតបានភ្ញាក់ដឹងខ្លួននៅមន្ទីរពេទ្យនៅថ្ងៃបន្ទាប់ ដោយមិនដឹងថាហេតុអ្វីបានជាខ្លួនដាច់លិង្គនោះទេ។
គាត់បានប្រាប់ប៉ូលិសថា “ខ្ញុំបានផឹកស្រាបៀរ និងស្រាសជាមួយមិត្តភក្តិខ្ញុំ។ ខ្ញុំអត់ចាំអ្វីផ្សេងក្រៅពីនេះទេ”។
ប៉ូលិសបានចាប់ខ្លួនពឹមសាក់ ដែលសារភាពថាបានវាយមិត្តភក្តិខ្លួននឹងញញួរ និងកាត់លិង្គមិត្តបោះឱ្យឆ្កែស៊ី។
ពឹមសាក់បានប្រាប់ប៉ូលិសថា បន្ទាប់ពីកាត់លិង្គមិត្តភក្តិរួច គាត់បានប្រាប់អ្នកជិតខាងឱ្យជួយដឹកបុរសរបួសនោះទៅមន្ទីរពេទ្យបាអានពង់។
គាត់និយាយថា “នឹងធ្វើបែបនេះម្តងទៀត” ព្រោះស៊ូវីតបានព្យាយាមរួមភេទជាមួយប្រពន្ធគាត់៕
ប្រភព៖ sabay.com.kh