ជំងឺលើសសម្ពាធឈាមមានន័យថា ជាពេលវេលាដែលសម្ពាធឈាមរបស់អ្នកឡើងខ្ពស់ខ្លាំងជាប់។ សម្ពាធឈាម គឺជាពេលវេលាដែលកម្លាំងចរន្តឈាមប៉ះនឹងជញ្ជាំងសរសៃឈាម។ សម្ពាធឈាមត្រូវបានកំណត់ឡើងដោយចំនួននៃភាពរ៉ាំងខ្ទប់របស់លំហូរឈាមក្នុងសរសៃឈាមអាក់ទែ និងចំនួនឈាមដែលបេះដូងច្របាច់។ កាលណាបេះដូងច្របាច់ឈាមកាន់តែច្រើន និងសរសៃឈាមកាន់តែរួមតូច កាន់តែធ្វើឲ្យសម្ពាធឈាមឡើងខ្ពស់។
មូលហេតុនៃការលើសសម្ពាធឈាមអាចមានច្រើន ហើយក៏ប្រែប្រួលពីមនុស្សម្នាក់ទៅមនុស្សម្នាក់ទៀតដែរ។ មូលហេតុភាគច្រើនគឺ៖
- អាយុ៖ ការប្រឈមនឹងការលើសសម្ពាធឈាមនឹងកើនឡើងទៅតាមអាយុរបស់មនុស្ស។ ជំងឺលើសសម្ពាធឈាមច្រើនតែកើតឡើងច្រើនលើមនុស្សប្រុសអាយុ ៦៤ឆ្នាំ ខណៈពេលដែលស្រ្តីអាយុ ៦៥ឆ្នាំ។
- ប្រវត្តិគ្រួសារ៖ ជំងឺលើសសម្ពាធឈាមមាននិន្នាការកើតឡើងទាំងគ្រួសារ
- ការជក់បារី៖ សារធាតុគីមីដែលមានក្នុងបារីអាចបង្កគ្រោះថ្នាក់ដល់ជញ្ជាំងសរសៃឈាមអាក់ទែបាន។ រឿងនេះអាចធ្វើឲ្យសរសៃឈាមទាំងនោះរួមតូច ដែលជាហេតុនាំឲ្យប្រឈមកាន់តែខ្លាំងនឹងជំងឺបេះដូងទៀត។ ការដែលស្រូបផ្សែងបារីពីគេក៏អាចបង្កើនការប្រឈមនឹងជំងឺបេះដូងដែរ។
- ការធាត់ ឬធាត់ជ្រុល៖ កាលណាអ្នកកាន់តែធាត់ រាងកាយនឹងត្រូវការឈាមដែលមានជីវជាតិ និងអុកស៊ីសែនប្រើប្រាស់កាន់តែច្រើនដែរ។ កាលណារបត់ឈាមរាងកាយកើនឡើង សម្ពាធទៅលើសរសៃឈាមអាក់ទែក៏កាន់តែកើនឡើងដែរ។
- ញ៉ាំប្រៃ៖ កាលណាអ្នកញ៉ាំប្រៃពេក វាអាចធ្វើឲ្យចាលជាតិទឹកក្នុងខ្លួន ហើយក៏ឡើងសម្ពាធឈាមបានដែរ។
សញ្ញាញឹកញាប់នៃជំងឺលើសសម្ពាធឈាម៖
- ការឈឺទ្រូង
- អស់កម្លាំង
- ឈឺក្បាលខ្លាំងក្លា
- បញ្ហានៅភ្នែក
- ធ្ងន់ក ទ្រូង ឬត្រចៀក
ការប្រឈមនឹងជំងឺលើសសម្ពាធឈាមគឺកាន់តែខ្ពស់ចំពោះមនុស្សធំ ប៉ុន្តែសម្រាប់មនុស្សវ័យក្មេងក៏អាចមានជំងឺនេះបានដែរ។
របៀបក្នុងការគ្រប់គ្រងសម្ពាធឈាម៖
- ត្រូវមានរបៀបរស់នៅផ្តល់សុខភាពល្អជាងមុន
- រក្សាទម្ងន់ឲ្យមានសុខភាពល្អ
- គេងគ្រប់គ្រាន់ ប្រហែល ៧ ទៅ៨ម៉ោងក្នុងមួយថ្ងៃ
- ញ៉ាំគ្រឿងស្រវឹង និងអាហារប្រៃតិចតួចបំផុត
- ហាត់ប្រាណជាប្រចាំ
វិធីសាស្រ្តដ៏ល្អបំផុតក្នុងការបញ្ចុះសម្ពាធឈាម
ការសង្កត់នៅលើកន្លែងពិសេសៗនៃរាងកាយរបស់អ្នកអាចជួយធ្វើឲ្យសម្ពាធឈាមវិលមកធម្មតាវិញបាន។ កន្លែងទាំងនោះមានដូចជា៖
កន្លែងទី១៖
- វាជាកន្លែងមួយដែលចេញពីពាក់កណ្តាលនៃឆ្អឹងដងកាំបិតទៅកាន់ខាងក្រោយស្លឹកត្រចៀក
- ចូរម៉ាស្សាកន្លែងនេះដោយប្រើចុងម្រាមដៃ
- ចូរធ្វើបែបនេះម្តងហើយម្តងទៀតយ៉ាងហោចណាស់ ១០ដង ទាំងសងខាង
កន្លែងទី២៖
- ចាប់ផ្តើមចេញពីច្រមុះ និងទៅដល់ត្រចៀក
- ចូរម៉ាស្សាកន្លែងទាំងនេះទាំងសងខាងឲ្យបាន ២នាទី៕