តារាបង្ហាញម៉ូតឆើតឆាយរបស់ស៊ុយអែតម្នាក់បានចាប់ផ្តើមរបបអាហារមានជាតិកាល់ឡូរីខ្ពស់ដើម្បីធ្វើឱ្យកំប៉េះគូទនាងរីកធំបំផុតក្នុងពិភពលោក។
នាង ណាតាសា ក្រោន អាយុ ២៤ ឆ្នាំមកពីទីក្រុងហ្គោធិនបឺក ដែលគោលបំណងក្នុងជីវិតរបស់នាងគឺចង់បានកំប៉េះគូទធំតាមដែលអាចធ្វើទៅបាន បានឡើងទម្ងន់ដល់ទៅ ២៥,៤ គីឡូក្រាម ដោយចេតនាដើម្បីពង្រីកទំហំគូទរបស់នាង ហើយទទូចថា ទំហំគូទធំធ្វើឱ្យនាងមានអារម្មណ៍ “សិចស៊ី និងមានអំណាច”។
ហើយនាងណាតាសា ដែលអះអាងថាមានរង្វង់គូទប្រវែង ១៨០ សង់ទីម៉ែត្រ បាននិយាយថា នាងបានញុំាភីហ្សានិងប៉ាស្តាក៏ដូចជាសូកូឡាម៉ាក Nutella ចំនួន ៦ គីឡូក្រាមក្នុងមួយខែដើម្បីទទួលបានគូទធំតាមដែលអាចធ្វើទៅបាន។
យោងតាមនាងណាតាសា ដែលបានវះកាត់លើកគូទឱ្យងខ្ទើត ៣ ដងរួចមកនោះ បានឱ្យដឹងថា រឿងដំបូងដែលនាងធ្វើនៅពេលព្រឹកគឺឆ្លុះកញ្ចក់មើលគូទខ្លួនឯង ហើយបើទោះបីជានាងមានគូទធំយ៉ាងនេះក្តី ក៏នាងនៅតែប៉ងប្រាថ្នាចង់បានគូទធំជាងនេះទៀត៕
ប្រភព៖ rasmeinews.com