ក្លៀក​អាច​ចាត់ទុកបាន​ថា​ជា​តំបន់​ឯកជន​មួយ ដែល​មនុស្ស​ទូទៅ​មិនសូវ​ហ៊ាន​បង្ហាញ​ជា​សាធារណៈ មិន​ថា​ស្រី ឬ​ប្រុស​ឡើយ​។​បើ​ចំពោះ​ស្រីៗ​វិញ​រឹតតែ​មិនបាច់​និយាយ​ទៅទៀត ពោលគឺ​ភាគច្រើន លើសលប់​អៀន​មិន​ហ៊ាន​បញ្ចេញ​ឱ្យគេ​ឃើញ​ឡើយ ជាពិសេស​អ្នក​ដែលមាន​ក្លៀក​មិន​ស ឬ​ស្បែក គ្រើម​មិន​រលោង​តែម្តង​។​

​ទោះជា​យ៉ាងណា ក្រុមហ៊ុន​មួយ​នៅ​ប្រទេស​ជប៉ុន បែរជា​យល់ថា វិធី​ល្អ​បំផុត​ដើម្បីឱ្យ​អតិថិជន ចាប់អារម្មណ៍​ក្រឡេកមើល​ផ្ទាំង​ផ្សាយពាណិជ្ជកម្ម គឺមាន​តែ​បិទ​ក្នុង​ក្លៀក​របស់​ស្រីៗ​ទៅវិញ​។
​គេហទំព័រ SoraNews24 បាន​ចុះផ្សាយ​ថា ក្រុមហ៊ុន​ផ្សាយពាណិជ្ជកម្ម​ដែលមាន​ឈ្មោះថា Wakino Ad Company ខាងលើនេះ​មាន​ឯកទេស​ខាង​ប្រើ​ក្លៀក​របស់​ស្រីៗ​ជា​ផ្ទាំង​បិទ ផ្សាយពាណិជ្ជកម្ម​ផលិតផល​របស់​អតិថិជន​ខ្លួន​។

​សូមបញ្ជាក់ថា ពាក្យ “waki” មានន័យថា “​ក្លៀក​” ជា​ភាសា​ជប៉ុន​។ ហើយ​វា​ក៏​ស្រដៀង​ទៅនឹង ពាក្យ “wacky” ដែល​មានន័យថា “​យុទ្ធសាស្ត្រ​ទីផ្សារ​”៕

ប្រភព៖ rasmeinews.com