អ្នកតែងតែជ្រើសរើសការញ៉ាំគ្រាប់ឪឡឹក ឬផ្លែអាលម៉ុនជាអាហារសម្រន់នៅពេលរសៀលមែនទេ? ប៉ុន្តែលើកក្រោយអ្នកគួរតែផ្លាស់ប្តូរទម្លាប់នេះមកញ៉ាំគ្រាប់រីករាយវិញម្តងទៅ។ គ្រាប់រីករាយអាចផ្តល់ជាប្រយោជន៍ចំបោះសុខភាពមនុស្សយើងបានច្រើនគួរសមដែរ។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)នេះដោយសារតែវាជាប្រភពនៃជីវជាតិដែលរាងកាយត្រូវការតែម្តង។ ខាងក្រោមនេះគឺជាហេតុផល ៣យ៉ាងធំៗ ដែលគ្រាប់រីករាយ អាចជួយបង្កើនសុខភាពមនុស្សយើងបាន៖
មានវីតាមីន B6
គ្រាប់រីករាយមានវីតាមីន B6 ដែលជំរុញដល់លំហូរឈាមតាមរយៈការជួយដឹកនាំអុកស៊ីសែនតាមរន្តឈាមចូលទៅក្នុងកោសិកា។ វីតាមីន B6 ក៏ជំរុញដល់សុខភាពប្រព័ន្ធភាពស៊ាំ និងប្រព័ន្ធសរសៃប្រសាទដែរ។
សមាសធាតុរុក្ខជាតិដើរតួនាទីជាអង់ទីអុកស៊ីដង់
អង់ទីអុកស៊ីដង់ដែលគ្រាប់រីករាយមាននោះ វីតាមីន E, Polyphenols និង Carotenoids Lutein និង Zeaxanthin។ អង់ទីអុកស៊ីដង់ពីរប្រភេទគឺមិនមានក្នុងគ្រាប់ផ្លែឈើផ្សេងឡើយ ដែលវាមានជាប់ទាក់ទងនឹងការថយចុះការប្រឈមនឹងការកើតជំងឺ Macular Degeneration ។
ទ្រទ្រង់ដល់កម្រិតកូឡេស្តេរ៉ុលដ៏មានសុខភាពល្អ
គ្រាប់រីករាយមានជាតិខ្លាញ់ ១៣ក្រាម ដែលជាប្រភេទ ខ្លាញ់ Monounsaturated និង Polyunsaturated Fats ដែលផ្តល់សុខភាពល្អដល់បេះដូង។ (អាន:ថ្នាំងងុយគេង ពេលអ្នកគួរប្រើ)ការសិក្សាបានបង្ហាញថា ការបន្ថែមគ្រាប់រីករាយទៅក្នុងរបបអាហារ ប្រហែលជាអាចជួយបន្ថយការធ្វើអុកស៊ីតកម្មរបស់កូឡេស្តេរ៉ុលអាក្រក់បាន។ នេះដោយសារតែគ្រាប់ធញ្ញជាតិមូួយនេះមានខ្លាញ់ Monounsaturated Fat ខ្ពស់ និងអាចបន្ថយកូឡេស្តេរ៉ុលអាក្រក់បានទៀត៕