អ្នកពិតជាចង់ឲ្យសក់មានសុខភាពកាន់តែល្អ និងភ្លឺរលោងណាស់ហើយ។ ប៉ុន្តែតើមានអ្វីដែលអ្នកអាចធ្វើបានល្អជាងការទិញសាប៊ូកក់មកប្រើដែរទេ? ការលាបថ្នាំសក់ ការសម្ងួតសក់ និងការកក់សក់ច្រើនសុទ្ធតែអាចបំផ្លាញសរសៃសក់បាន ប៉ុន្តែវាក៏មានរឿងផ្សេងទៀតដែលត្រូវស្វែងយល់ដែរ ជាពិសេសរឿងដែលនាំឲ្យសក់ខូចដូចខាងក្រោមនេះតែម្តង៖(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)
- ជីវជាតិមិនគ្រប់គ្រាន់៖ សក់ក៏ត្រូវការជីវជាតិត្រឹមត្រូវដើម្បីរស់ដែរ ហើយវាចាប់ផ្តើមជាមួយនឹងអ្វីដែលអ្នកញ៉ាំតែម្តង។
- បញ្ហាសុខភាព៖ ជំងឺនៅក្នុងខ្លួនដូចជា បញ្ហាក្រពេញទីរ៉ូអ៊ីត និងការកង្វះគ្រាប់ឈាម សុទ្ធតែអាចឲ្យផលអវិជ្ជមានដល់សុខភាព និងការលូតលាស់សក់ទាំងអស់។
- ហ្សែន៖ ហ្សែនរបស់បុរស និងស្រ្តីដែលជ្រុះសក់នោះមានច្រើនចាប់ពី ៦០ ទៅ៧០ភាគរយឯណោះ
- អាយុ៖ នៅពេលយើងឈានដល់វ័យ ៣០ឆ្នាំ ភាគរយនៃការជ្រុះសក់នឹងកើនឡើងច្រើនជាងការដុះឡើងវិញ។
- ព្រឹត្តិការណ៍ធំៗក្នុងជីវិត៖ សរសៃសក់ទាំងអស់គឺមានអាយុខ្លីណាស់។ ជាធម្មតាវានឹងជ្រុះចាប់ពី ១០០ ទៅ២០០សរសៃ។ ប៉ុន្តែព្រឹត្តិការណ៍ក្នុងជីវិតខ្លះអាចធ្វើឲ្យការជ្រុះសក់នេះកាន់កើនឡើងដូចជា ការវះកាត់ និងការសម្រាលកូនតែម្តង។
របបអាហារមានតុល្យភាពល្អគឺជាគន្លឹះដំបូងគេក្នុងការបង្កើនចំនួនសរសៃសក់លើក្បាល។ ប៉ុន្តែអ្នកប្រហែលជានៅតែត្រូវការជំនួយបន្ថែមតៀតដើម្បីបង្កើនការដុះសក់ឡើងវិញ។ ដូច្នេះគ្រូពេទ្យ ឬអ្នកជំនាញរោគសើស្បែកអ្នកប្រហែលជាអាចជួយកំណត់ថាសាប៊ូបណ្តុះសក់ និងថ្នាំបំប៉នមួយណានឹងស័ក្តិសមបំផុតសម្រាប់អ្នកបំផុត។ ខាងក្រោមនេះខ្ញុំសូមណែណាំនូវជីវជាតិ ក៏ដូចជាថ្នាំបំប៉នមួយចំនួនដែលល្អបំផុតសម្រាប់ជួយបណ្តុះសរសៃសក់លើក្បាល៖
វីតាមីនចម្រុះ
វីតាមីនចម្រុះអាចជួយបំពេញភាពខ្វះខាតជីវជាតិដែលមានក្នុងរាងកាយបាន។ មនុស្សយើងគួរតែញ៉ាំវីតាមីន B ស័ង្គសី និងយ៉ាងហោចណាស់ វីតាមីន D ២០០០ IU។ ទាំងវីតាមីន B និងស័ង្គសីដើរតួនាទីដ៏សំខាន់មួយក្នុងការជំរុញដល់សុខភាពឬសសក់ ខណៈពេលដែលវីតាមីន D ប្រហែលជាជយយបង្កើតសក់ថ្មីបាន។
ជាតិដែក
ជាតិដែកគឺជាសារធាតុដ៏សំខាន់សម្រាប់ការលូតលាស់របស់សក់ និងសុខភាព។ ការកង្វះជាតិដែកក៏នាំឲ្យកើតជំងឺស្លេកស្លាំងដែរ ដែលនាំឲ្យជ្រុះសក់ថែមទៀត។ បើសិនជាអ្នកញ៉ាំសាច់តិចជាងពីរទៅបីដងក្នុងមួយសប្តាហ៍ ចូរពិចារណាទៅលើការប្រើថ្នាំបំប៉នជាតិដែកវិញ។
អាស៊ីតខ្លាញ់អូមេហ្គាបី
អាស៊ីតខ្លាញ់អូមេហ្គាបីមានពីធម្មជាតិក្នុងអាហារដូចជា សត្វមានសម្បក និងគ្រាប់ល្ងរ ប៉ុន្តែអ្នកក៏អាចរកវាបានក្នុងថ្នាំបំប៉នដែរដូចជាថ្នាំខ្លាញ់ត្រី។ វាគឺជារឿងសំខាន់មួយដែលកោសិកាត្រូវមានសុខភាពល្អ ដូច្នេះវាក៏ជួយឲ្យស្បែកក្បាល និងសក់កាន់តែមានសុខភាពល្អថែមទៀតដែរ។
Biotin
ការលេបថ្នាំ Biotin សម្រាប់ជួយឲ្យសក់លូតលាស់ប្រហែលជាអ្វីដែលអ្នកគួរធ្វើហើយ។ ចាប់តាំងពីវាគឺជាវីតាមីនរលាយក្នុងទឹកមក រាល់ការលេបថ្នាំនេះច្រើនពេកសុទ្ធតែអាចបញ្ចេញចោលតាមទឹកនោមបានទាំងអស់។ អ្នកអាចញ៉ាំថ្នាំនេះបាន ៣ ទៅ ៥មីលីក្រាមក្នុងមួយថ្ងៃជារៀងរាល់ថ្ងៃ។
Zinc Pyrithione
វាជាធាតុផ្សំដ៏សកម្មួយក្នុងសាប៊ូកក់សក់បំបាត់អង្គែមួយចំនួន។ សាប៊ូទាំងនេះគឺមានភាពអាថ៌កំបាំងដែរ។ វាត្រូវបានកេបង្ហាញថាជួយជំរុញដល់ការលូតលាស់សក់ដែរ។ នេះដោយសារតែនៅលើស្បែកក្បាលយើងសុទ្ធតែមានមេរោគផ្សិតរស់នៅ។ បើសិនជាមេរោគផ្សិតនេះរស់នៅច្រើនពេក ការរលាកតូចៗនឹងធ្វើឲ្យសរសៃសក់ជ្រុះបាន។ ដូច្នេះអញនកអាចប្រើប្រាស់សាប៊ូកក់សក់ទាំងនេះដើម្បីជំរុញដល់ការលូតលាស់សក់ ពង្រឹងដល់សុខភាពស្បែកក្បាល និងមិនកើតអង្គែរស្បែកក្បាលទៀត។
Minoxidil
ជាប្រភេទហ្វូម ឬសូលុយស្យុងមួយដែលអ្នកអាចលាបលើស្បែកក្បាលដោយផ្ទាល់បាន។ (អាន:ថ្នាំងងុយគេង ពេលអ្នកគួរប្រើ)ខណៈពេលដែលវាអាចជាមធ្យោបាយមួយដើម្បីជមរុញដល់ការលូតលាស់សក់ឡើងវិញ តែវាមានប្រសិទ្ធភាពតិចណាស់។ យ៉ាងណាមិញ បើសិនជាអ្នកមានផ្ទៃពោះមិនគួរណាប្រើវាឡើយ៕