ដឹងទេថាមិនបាច់ប្រើថ្នាំក៏អ្នកអាចទប់ទល់នឹងបញ្ហានៃជំងឺថប់បារម្ភបានផងដែរជាមួយអាហារមួយចំនួន! (អាន ៖ ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) ថាតើអាហារអ្វីខ្លះជួយប្រយុទ្ធប្រឆាំងជំងឺថប់បារម្ភ? ថ្ងៃនេះវេបសាយសុខភាព Health.com.kh នឹងបង្ហាញឱ្យដឹងពីអាហារដែលអ្នកគួរទទួលទានដើម្បីទប់ទល់ជំងឺថប់បារម្ភ ៖
១. សាច់មាន់
ជាប្រភពដ៏ប្រសើរនៃសារធាតុ tryptophan ដែលមានប្រសិទ្ធភាពប្រយុទ្ធប្រឆាំងបញ្ហានៃជំងឺថប់បារម្ភ។ ទោះជាយ៉ាងណាគួរជ្រើសរើសទទួលទានសាច់ទ្រូងក៏ព្រោះវាជាផ្នែកដែលសម្បូរទៅដោយសារធាតុ tryptophan។ ចៀសវាងទទួលទានស្បែកមាន់ច្រើនដើម្បីកាត់បន្ថយបិរមាណនៃខ្លាញ់ saturated និងកូឡេស្តេរ៉ូល។
២. ត្រី
ដើម្បីកាត់បន្ថយជាតិខ្លាញ់មិនល្អ saturated និងកូឡេស្តេរ៉ូល ព្រមទាំងប្រយុទ្ធប្រឆាំងជាមួយជំងឺថប់បារម្ភក្នុងពេលតែមួយផងដែរចូរព្យាយាមទទួលទានត្រី។ ហើយដើម្បីរក្សាបាននូវសុខភាពខួរក្បាលនិងបេះដូងល្អប្រសើរទៀតនោះចូរជ្រើសរើសទទួលទានត្រីសម្បូរខ្លាញ់។
៣. ផ្លែបឺរ
ជាប្រភពដ៏ប្រសើរនៃខ្លាញ់ល្អដែលចាំបាច់សម្រាប់រក្សាសុខភាពខួរក្បាលនិងជួយធ្វើឱ្យអារម្មណ៍ប្រសើរឡើង។
៤. គ្រាប់ធញ្ញជាតិ
មានផ្ទុកសារធាតុ phenomenal ដែលជួយប្រយុទ្ធប្រឆាំងនឹងជំងឺថប់បារម្ភគួរឱ្យកត់សម្គាល់។ ទោះជាយ៉ាងណាមិនគួរទទួលទានច្រើនជាងមួយក្ដាប់ដៃក្នុងមួយថ្ងៃឡើយ។
៥. បន្លែបៃតង
ជាប្រភពដ៏ប្រសើរនៃវីតាមីន ជាតិរ៉ែចាំបាច់ សារធាតុប្រឆាំងអុកស៊ីតកម្ម និងមានលក្ខណៈសម្បត្តិរក្សាតុល្យភាពអ័រម៉ូន។ ហើយបញ្ហានៃជំងឺថប់បារម្ភអាចបណ្ដាលមកពីអតុល្យភាពនៃអ័រម៉ូនក្នុងរាងកាយ។
៦. ផ្លែចេក
ក្រៅពីមានផ្ទុកសម្បូរទៅដោយជាតិប៉ូតាស្យូមហើយនោះ ផ្លែចេកក៏ជាប្រភពដ៏ប្រសើរនៃវីតាមីន B រួមទាំងសារធាតុ folate និងវីតាមីន B6 ដែលជួយក្នុងការផលិតអ័រម៉ូន serotonin បង្កើនអារម្មណ៍ល្អប្រសើរ។
៧. សូកូឡាខ្មៅ
សូកូឡាខ្មៅ គឺមានឥទ្ធិពលល្អបំផុតក្នុងការបង្កើននូវសារធាតុគីមីផ្សេងៗក្នុងខួរក្បាលដែលជួយលើកកម្ពស់អារម្មណ៍ល្អប្រសើរ។ ការទទួលទានសូកូឡាខ្មៅត្រឹម ២ ដុំតូចជាប្រចាំ គឺល្អសម្រាប់អ្នកមានបញ្ហាថប់បារម្ភ។ គ្រាន់តែប្រាកដថាអ្នកបានជ្រើសរើសនូវសូកូឡាដែលផ្សំឡើងពីកាកាវយ៉ាងហោចណាស់ ៧០ ភាគរយ ប្រសិនបើអ្នកចង់ជៀសឆ្ងាយពីបញ្ហាឆាប់ខឹងឆេវឆាវ និងតានតឹងក្នុងអារម្មណ៍បានយ៉ាងឆាប់រហ័សប្រកបដោយប្រសិទ្ធិភាពខ្ពស់។
៨. ស៊ុត
ផ្នែកពណ៌លឿងនៃស៊ុតជាប្រភពដ៏ប្រសើរនៃវីតាមីន D។ ស៊ុតក៏មានផ្ទុកសម្បូរទៅដោយប្រូតេអ៊ីន រួមទាំងអាស៊ីតអាមីណូដែលរាងកាយត្រូវការចាំបាច់ដើម្បីលូតលាស់ រក្សាសុខភាពរឹងមាំ និងជួយផលិតអ័រម៉ូនអារម្មណ៍ល្អគ្រប់គ្រងការគេង Serotonin។ អ័រម៉ូននេះក៏ជួយបង្កើនភាពប្រសើរឡើងនៃមុខងារខួរក្បាល ហើយកាត់បន្ថយបញ្ហាថប់បារម្ភ និងស្ត្រេសគួរឱ្យកត់សម្គាល់៕