ចន្ទគ្រាសយូរបំផុតប្រចាំសតវត្សទី២១ ត្រូវបានរាយការណ៍ថានឹងបង្ហាញខ្លួននៅព្រឹកថ្ងៃសៅរ៍ ទី២៨ ខែកក្កដា ឆ្នាំ២០១៨ ខាងមុខដោយមានរយៈពេលសរុបជិត២ម៉ោងឯណោះ។
ជាមួយគ្នានេះ អ្វីដែលគួរឲ្យភ្ញាក់ផ្អើល គឺភពអង្គារនឹងឈានដល់ចំណុចភ្លឺខ្លាំងបំផុតកម្រមាន ដែលអាចបង្ហាញខ្លួនពីក្រោមចន្ទគ្រាសពណ៌ក្រហមផ្ទាល់ក្នុងថ្ងៃជាមួយគ្នាតែម្ដង។ លើសពីនេះទៀត ភពអង្គារនឹងឈានមកជិតផែនដីបំផុតមិនធ្លាប់មានគិតចាប់តាំងពីឆ្នាំ២០០៣ មកក្នុងចម្ងាយ ៥៧,៦ លានគីឡូម៉ែត្រ។
គួរបញ្ជាក់ថា នៅថ្ងៃទី២៨ ខែកក្កដា ឆ្នាំ២០១៨ ប្រជាជនកម្ពុជានឹងអាចមើលចន្ទគ្រាសចាប់ពីវេលាម៉ោង ២៖៣០នាទីព្រឹក ដល់ ៤៖១៣នាទីព្រឹក ធ្វើឲ្យវាក្លាយជាចន្ទគ្រាសដែលបង្ហាញខ្លួនយូរបំផុតប្រចាំសតវត្សទី២១៕
ប្រភព៖ sabay.com.kh