Join with Health.com.kh on Telegram

តាមការសិក្សាបានរកឃើញថា អ្នកដែលរស់នៅកោះ Polynesian និងឧស្សាហ៍ញ៉ាំសាច់ដូងគឺមិនសូវមានអត្រាអ្នកកើតជំងឺបេះដូងដូចអ្នកដែលរស់នៅញ៉ាំអាហារលោកខាងលិចឡើយ។ យ៉ាងណាមិញ ចំពោះប្រជាជន Polynesian ក៏ញ៉ាំត្រីច្រើន និងមិនសូវញ៉ាំអាហារកៃឆ្នៃឡើយ ដូច្នេះវាក៏មិនច្បាស់ថា តើការចុះទាបនៃអ្នកកើតជំងឺបេះដូងកើតឡើងដោយសារតែការញ៉ាំតែដូង ឬអាហារអ្វីផ្សេងឡើយ។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)

តាមការសិក្សាមួយផ្សេងទៀតទៅលើស្រ្តីជនជាតិហ្វីលីពីនប្រមាណ ១៩៣៧នាក់ បានរកឃើញថា អ្នកដែលញ៉ាំប្រេងដូងច្រើនមិនគ្រាន់តែកើនចំនួនកូឡេស្តេរ៉ុលល្អទេ តែក៏កើនឡើងកូឡេស្តេរ៉ុលអាក្រក់ និងខ្លាញ់ Triglycerides ដែរ។ សរុបមក ប្រេងដូចមានឥទ្ធិពលស្មើមួយចំពោះកូឡេស្តេរ៉ុលក្នុងឈាម។ 

ការញ៉ាំប្រេងដូងសុទ្ធដែលចម្រាញ់ចេញពីសាច់ដូងស្ងួត ប្រហែលជាបន្ថយខ្លាញ់ក្បាលពោះបាន។ នេះគឺជាប្រយោជន៍ដ៏ពិសេសមួយដោយសារតែ ខ្លាញ់ក្បាលពោះច្រើនពេកនឹងបង្កើនការប្រឈមជំងឺបេះដូង និងទឹកនោមផ្អែម។ ការសិក្សាមួយចំពោះមនុស្ស ២០នាក់ដែលធាត់ជ្រុលបានរកឃើញថា ទំហំចង្កេះរបស់បុរសបានថយចុះជាមធ្យមប្រហែល ៣សង់ទីម៉ែត្រក្រោយពីបានញ៉ាំប្រេងដូងសុទ្ធ ៣០មីលីលីត្ររាល់ថ្ងៃរយៈពេល ៤សប្តាហ៍។ សម្រាប់ស្រ្តីវិញគឺមិនមានការថយចុះអ្វីគួរឲ្យកត់សម្គាល់ឡើយ។ (អាន:ថ្នាំងងុយគេង ពេលអ្នកគួរប្រើ)

ទោះបីជាយ៉ាងណាក៏ដោយ ក្នុងការសិក្សាដ៏ធំមួយបានឲ្យដឹងថា ស្រ្តីដែលញ៉ាំប្រេងដូងកៃឆ្នៃ ៣០មីលីលីត្ររាល់ថ្ងៃរយៈពេល ១២សប្តាហ៍ ឃើញថា មានការថយចុះរង្វាស់ចង្កេះជាមធ្យម ១.៤សង់ទីម៉ែត្រ៕