ដោយសារតែអាកាសធាតុប្រែប្រួលច្រើន ហើយរដូវកាលក៏នឹងផ្លាស់ប្តូរកាន់តែច្រើនដែរនោះ ដូច្នេះយកល្អគួរតែចេះវិធីធ្វើយ៉ាងណាឲ្យសុខភាពខ្លួនកាន់តែមានសុវត្ថិភាពផង។ ការញ៉ាំអាហារដែលអាចបង្កើនមុខងារប្រព័ន្ធភាពស៊ាំ និងអនុវត្តអនាម័យផ្ទាល់ខ្លួន អាចជួយក្នុងការបង្ការការបង្ករោគដែលកើតឡើងញឹកញាប់ក្នុងពេលផ្លាស់ប្តូររដូវកាលនេះបានដូចជា ផ្តាសាយ និងក្អកជាដើម។ យ៉ាងណាមិញ ពេលខ្លះមិនខ្វល់ថាអ្នកព្យាយាមបង្ការបែបណាទេ វានៅតែអាចធ្វើឲ្យអ្នកឈឺបានដដែល។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)ករណីបែបនេះខ្ញុំសូមណែនាំវិធីព្យាបាលដោយខ្លួនឯងបែបធម្មជាតិមួយប្រភេទ នោះគឺការបង្កើតសេរ៉ូក្អក។
សេរ៉ូក្អកនេះត្រូវបានបង្កើតឡើងដោយខ្ញី ម្រេចខ្មៅ និងទឹកឃ្មុំ។ គ្រឿងផ្សំទាមងនេះសុទ្ធតែមានសមត្ថភាពក្នុងការព្យាបាលជំងឺផ្តាសាយ។ ខ្ញីផ្ទុកទៅដោយសារធាតុប្រឆាំងការរលាក និងសម្លាប់មេរោគ។ វានឹងជួយបន្ថយការរលាកក្នុងបំពង់ករ និងជួយទបស់ស្កាត់មេរោគបង្កជំងឺ។ ម្រេចខ្មៅត្រូវបានគេរកឃើញថា អាចជួយបំរំលាយអ្វីដែលមានក្នុងច្រមុះ និងសម្អាតផ្លូវដង្ហើម ព្រមទាំងកំចាត់វាចេញពីរាងកាយផង ដើម្បីងាយស្រួលដកដង្ហើម និងបន្ថយការក្អក។ ទឹកឃ្មុំវិញអាចជួយបំបាត់ការឈឺបំពង់ករ និងបំបាត់ការតឹងច្រមុះ។
ដើម្បីធ្វើសេរ៉ូក្អក ចូរធ្វើទៅតាមវិធីងាយៗខាងក្រោមនេះ៖
- ចាក់ទឹកចូលទៅក្នុងឆ្នាំហើយដាក់លើភ្លើង
- ចិតខ្ញីដុំតូចៗហើយដាក់វាចូលទៅក្នុងទឹក
- បើភ្លើងរឹមៗដើម្បីឲ្យចំហាយខ្ញីចូលសព្វក្នុងទឹក
- រយៈពេល ១ ទៅ២នាទីក្រោយ ទឹកចាប់ផ្តើមពុះ ចាកម្រេចខ្មៅបន្តិចចូល ហើយថែមទឹកបន្តិចទៀត
- ចូរសម្រិតទឹកចូលទៅក្នុងកែវមួយទៀត
- ចូរលាយទឹកឃ្មុំទៅក្នុងល្បាយខាងលើ
- ចូរទុកវាឲ្យត្រជាក់បន្តិចចាំញ៉ាំវាម្តងមួយពែងៗ។(អាន:ថ្នាំងងុយគេង ពេលអ្នកគួរប្រើ)
ចូរក្រេបល្បាយនេះបន្តិចម្តងៗ ចំនួនពីរទៅបីដងក្នុងមួយថ្ងៃដើម្បីទទួលបានលទ្ធផលល្អបំផុត៕