ខាងក្រោមនេះ យើងខ្ញុំនឹងបង្ហាញអ្នកពីរយៈពេលដែលងាយធ្វើឲ្យអ្នកឡើងទម្ងន់បាន។ ដូចនេះ អ្នកគួរតែគេចឲ្យឆ្ងាយ ដើម្បីរក្សារាងស្អាត។ តើមានអ្វីខ្លះទៅ?

  1. នៅពេលព្រឹក ជារយៈពេលដែលងាយធ្វើឲ្យអ្នកធាត់ណាស់ ព្រោះអ្នកតែងតែគេងមិនឆ្អែត ដោយមិនព្រមក្រោកឡើង ដើម្បីពិសារអាហារពេលព្រឹកឡើយ។ នៅពេលដែលអ្នកមិនញ៉ាំអាហារពេលព្រឹក នោះអ្នកនឹងងាយធាត់ណាស់ ព្រោះអ្នកអាចឃ្លានខ្លាំង ហើយពិសារច្រើននៅពេលក្រោយ។
  2. នៅមុនញ៉ាំបាយថ្ងៃត្រង់កន្លះម៉ោង ក៏ជាពេលដែលអ្នកងាយឡើងទម្ងន់ដែរ ព្រោះក្នុងរយៈពេលនេះ អ្នកអាចចាប់ផ្តើមមានអារម្មណ៍ថាឃ្លាន។ ជាហេតុដែលធ្វើឲ្យអ្នកអាចពិសារនំកញ្ចប់ ឬអាហារសម្រន់ផ្សេងៗដែលងាយធ្វើឲ្យរាងអ្នកប្រែប្រួលណាស់។ ដូចនេះ អ្នកគួរតែប្រយ័ត្នឲ្យបានខ្ពស់។
  3. មុនពេលដល់ម៉ោងចេញពីធ្វើការ ក៏ជាពេលវេលាដែលងាយធ្វើឲ្យអ្នកធាត់ដែរ ព្រោះអ្នកបានបំពេញការងារពេញមួយថ្ងៃហើយ។ ដូចនេះ អ្នកនឹងមានអារម្មណ៍ថាអស់កម្លាំងខ្លាំង ហើយឃ្លាន ដោយធ្វើឲ្យអ្នកអាចបរិភោគអាហារជាច្រើន។ ជាហេតុដែលធ្វើឲ្យអ្នកមិនអាចរក្សារាងបានស្អាតឡើយ។
  4. ក្រោយពេលដែលហាត់ប្រាណរួច អ្នកនឹងមានអារម្មណ៍ថាឃ្លានខ្លាំងណាស់។ ជាហេតុដែលធ្វើឲ្យអ្នកចង់ពិសារជាខ្លាំង។ ដូចនេះ បើអ្នកមិនតមមាត់ទេ ទោះអ្នកហាត់ប្រាណយ៉ាងណាក៏មិនស្គមដែរ មានតែអាចធាត់ជាងនេះតែប៉ុណ្ណោះ៕
ទំនាក់ទំនងផ្សាយពាណិជ្ជកម្មសូមទូរស័ព្ទមកលេខ 011688855
អត្ថបទទាក់ទង

មតិរបស់អ្នក

Please enter your comment!
Please enter your name here