សួតរបស់មនុស្សយើងគឺជាសរីរាង្គដ៏អស្ចារ្យមួយដែលអាចជួយដោះស្រាយបញ្ហាស្លេស្ម និងប្រឆាំងការបង្ករោគ។ សួតនឹងធ្វើឲ្យអ្នកមានជីវិតរស់ ដូច្នេះអ្វីៗត្រូវតែដឹងគុណសួតផង មុននឹងវាត្រូវបានខូចខាតដោយកត្តាណាមួយ។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)ដំណឹងល្អនោះគឺថា សួតគឺជាសរីរាង្គដែលចេះសម្អាតខ្លួនឯង មានន័យថា វាអាចជួយដោយខ្លួនឯងនៅពេលបញ្ឈប់ការប៉ះពាល់នឹងសារធាតុបំពុលដូចជា ការជក់បារីជាដើម។ យ៉ាងណាមិញ ខាងក្រោមនេះខ្ញុំសូមណែនាំនូវគន្លឹះតិចតួចមួយចំនួនតូចដើម្បីទទួលបានខ្យល់ដកដង្ហើមកាន់តែស្អាត ព្រមទាំងពង្រឹងដល់សុខភាពសួតថែមទៀតផង៖
- នៅទីក្រុង សម្បូរទៅដោយខ្យល់បំពុលបិរយាកាសដែលចេញពីរថយន្តណាស់ ដូច្នេះយកល្អគួរតែចៀសវាងការដើរនៅតាមដងផ្លូវទាំងនេះ។ យកល្អគួរតែចៀសវាងការហាត់ប្រាណនៅតាមដងផ្លូវ ឬក្រៅផ្ទះនៅពេលដែលមានបិរយកាសបំពុលច្រើន។
- កាត់បន្ថយសកម្មភាពដែលត្រូវឲ្យប៉ះពាល់ខ្យល់បំពុលបរិយាកាសដូចជា ការបើកឡាន ឬការដុតព្រៃ ឬអូស។ ទោះបីជាការដុតភ្លើងតិចតួចក្នុងផ្ទះក៏អាចមានបញ្ហាដែរ។
- ផ្ទះបាយអាចជាប្រភពបំពុលបរិដ្ឋានក្នុងផ្ទះដ៏ធំមួយ ដូច្នេះយកល្អគួរតែមានដំឡើងម៉ាស៊ីនបូមខ្យល់កខ្វក់ផងខណៈពេលកំពុងតែចម្អិន ជាពិសេស ពេលចៀន ឬបំពង់តែម្តង។
- ការដំឡើងឧបករណ៍បន្សុតខ្យល់ និងពាក់ម៉ាសនៅមុខអាចជារឿងមានប្រយោជន៍ប៉ុន្តែក៏ត្រូវមានដែនកំណត់របស់វាដែរ។ រឿងនេះអាចជួយបន្ថយការប៉ះពាល់នៅពេលដែលប្រើប្រាស់វាបានត្រឹមត្រូវប៉ុណ្ណោះ។
- ជាមួយគ្នានេះដែរ វាមិនដែលជារឿងហួសពេលទេក្នុងការផ្តាច់បារី។ (អាន:ថ្នាំងងុយគេង ពេលអ្នកគួរប្រើ)ការជក់បារីត្រូវបានគេបង្ហាញថា ជាមូលហេតុចំបងនៃជំងឺមហារីកសួត ដែលអាចការពារបានតាមរយៈការជ្រើសរើសរបៀបរស់នៅផ្តល់សុខភាព៕