Join with Health.com.kh on Telegram

អាហារដែលយើងញ៉ាំ និងទម្លាប់ហាត់ប្រាណដែលធ្លាប់តែធ្វើគឺជាគន្លឹះដ៏សំខាន់ក្នុងការជួយឲ្យស្រកទម្ងន់។ ប៉ុន្តែមានកត្តាផ្សេងច្រើនទៀតក៏ទទួលខុសត្រូវលើការជួយឲ្យស្រកទម្ងន់ដែរ ជាពិសេសនៅពេលយើងព្យាយាមធ្វើឲ្យរាងកាយមានភាពសមសួនតាមរបៀបផ្តល់សុខភាព។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)ការបង្គ្រប់ជាតិទឹកដើរតួនាទីសំខាន់មួយក្នុងការជំរុញដល់មុខងារទាមងអស់របស់រាងកាយ ហើយក៏មានឥទ្ធិពលដោយផ្ទាល់ទៅលើការសម្រកទម្ងន់ផងដែរ។ ចូរយល់ដឹងថាហេតុអ្វីបានជាការញ៉ាំទឹកគ្រប់គ្រាន់អាចជួយឲ្យអ្នកសម្រកទម្ងន់បាន។ 

ទឹកជួយដល់ការរំលាយអាហារ

មនុស្សយើងដឹងហើយថា ការរំលាយអាហារគឺជាផ្នែកមួយដ៏សំខាន់របស់រាងកាយសម្រាប់ការសម្រកទម្ងន់។ បើសិនជាអាហាររបស់អ្នកទាំងអស់មិនត្រូវបានរំលាយបានល្អទេ អ្នកនឹងមិនអាចសម្រកទម្ងន់បានឡើយ។ ការដែលក្រពះមិនកិនល្អ ក៏ប្រហែលជាធ្វើឲ្យហើមពោះដែរ។ ទឹកនឹងជួយសម្រួលដល់ការរំលាយអាហារ ដូច្នេះវាក៏ជួយឲ្យស្រកទម្ងន់តាមក្រោយដែរ។ 

បង្កើនការរំលាយអាហារ

ការរំលាយអាហារ សម្តៅទៅលើអត្រាដែលរាងកាយអាចរំលាយអាហារដើម្បីបង្កើតជាថាមពល ដូច្នេះវាដើរតួនាទីសំខាន់មួយក្នុងការសម្រកទម្ងន់។ ការបង្គ្រប់ជាតិទឹកនឹងជួយបង្កើនការរំលាយអាហារ ដូច្នេះវាក៏ជួយការសម្រកទម្ងន់ដែរ។ 

ជួយច្រោះជាតិពុលពីក្នុងរាងកាយ

កាលណាអ្នកញ៉ាំទឹកកាន់តែច្រើន កាកសំណល់នឹងចេញពីក្នុងខ្លួនកាន់តែច្រើនដែរ។ ការញ៉ាំទឹកអាចជួយសម្អាតរាងកាយ និងច្រោះជាតិពុលពីក្នុងខ្លួន។ រឿងនេះមិនគ្រាន់តែជួយដល់ការថែរក្សារាងកាយកុំឲ្យងាយកើតជំងឺទេ តែវាក៏ជួយសម្រកទម្ងន់បានថែមទៀតផង។ 

ញ៉ាំទឹកនឹងទប់ស្កាត់ភាពឃ្លាន

បើសិនជាបញ្ហានៃការសម្រកទម្ងន់របស់អ្នកទាក់ទងនឹងការញ៉ាំអាហារមែននោះ អ្នកគួរតែជ្រើសរើសការញ៉ាំទឹកដើម្បីជួយហើយ។ (អាន:ថ្នាំងងុយគេង ពេលអ្នកគួរប្រើ)ការញ៉ាំទឹកអាចជួយទប់ស្កាត់ភាពឃ្លាន និងជួយឲ្យប្រាកដថា អ្នកញ៉ាំអាហារផ្តល់សុខភាព ប៉ុន្តែគ្រប់គ្រាន់សម្រាប់រាងកាយបង្កើតជាថាមពលផង៕