គ្រូពេទ្យតែងតែប្រាប់ដល់អ្នកជំងឺខ្លាំងៗថា ត្រូវតែសម្រកខ្លាញ់ក្បាលពោះព្រោះវាជារឿងល្អដែលអ្នកគួរតែធ្វើ។ នៅពេលខ្លាញ់ក្បាលពោះរីកធំ ហើយក៏គ្របដណ្តប់ទៅលើសរីរាង្គក្នុងពោះទៀតនោះ មានន័យថា អ្នកកំពុងតែជួបបញ្ហាធ្ងន់ធ្ងរមួយចំនួនហើយ។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)ខ្លាញ់ក្បាលពោះ នឹងបញ្ចេញអ័រម៉ូនស្រ្តេស Cortisol និងសារធាតុបង្ករការរលាកឈ្មោះថា Cytokines ដែលមានឥទ្ធិពលទៅលើការផលិតអាំងស៊ុយលីនធម្មតារបស់រាងកាយ។ រឿងនេះមិនត្រឹមតែធ្វើឲ្យអ្នកធាត់ជ្រុលបើកផ្លូវឲ្យកើតជំងឺទឹកនោមផ្អែមប្រភេទទី២ទេ តែក៏កើតជំងឺបេះដូងថែមទៀតដែរ។ ហេតុដូច្នេះហើយ ខ្ញុំសូមណែនាំវិធីសម្រកខ្លាញ់ក្បាលពោះឆ្លាតវៃមួយចំនួនដូចខាងក្រោមនេះ៖
ញ៉ាំកាបូអ៊ីដ្រាតកំផ្លេចដូចជា អង្ករសម្រូប
អ្នកមិនចាំបាច់ប្រើវិធីហាត់ប្រាណដើម្បីគ្រប់គ្រងទម្ងន់ក៏បានដែរ គ្រាន់តែការញ៉ាំកាបូអ៊ីដ្រាតកំផ្លេចដូចជាអង្ករសម្រូប ក៏អាចជួយបានដែរ។ តាមរយៈការញ៉ាំអាហារបែបនេះរាល់ថ្ងៃ អ្នកនឹងបន្ថយការញ៉ាំអាហារផ្សេងទៀតដោយខ្លួនឯងដោយសារតែវាមានជាតិសរសៃច្រើន និងគ្រប់គ្រាន់ឲ្យមានអារម្មណ៍ឆ្អែតបានយូរ។
បង្កើនការញ៉ាំអាហារធ្វើពីទឹកដោះគោ
អ្នកអាចបំបាត់ខ្លាញ់ក្បាលពោះបានតាមរយៈការញ៉ាំយ៉ាអួ និងហ្រ្វូម៉ាត ព្រមទាំងការញ៉ាំទឹកដោះគោ។ តាមការសិក្សាបានឲ្យដឹងថា បើសិនជាអ្នកញ៉ាំយ៉ាអួរ ៣ពែងក្នុងមួយថ្ងៃរយៈពេល ១២សប្តាហ៍ អ្នកពិតជាអាចសម្រកទម្ងន់បានល្អជាងការញ៉ាំថ្នាំកាលស្យូម និងបន្ថយការញ៉ាំកាឡូរី។ កោសិកាខ្លាញ់នឹងផលិតជាអ័រម៉ូន Cortisol ដោយខ្លួនឯងដើម្បីភ្ញោចទៅការផលិតរបស់ខ្លាញ់ក្បាលពោះកាន់តេច្រើន ប៉ុន្តែយ៉ាអួរនឹងទប់ស្កាត់ការផលិតទាំងនេះ។
គេងឲ្យលក់ស្រួល
អ្នកស្រាវជ្រាវបានអះអាងថា អ្នកដែលគេងត្រឹមតែ ៦ម៉ោងក្នុងមួយយប់អាចឡើងទម្ងន់ចាប់ពី ២គីឡូក្រាមឡើងទៅជាងអ្នកដែលគេងប្រហែល ៨ម៉ោង។ បើសិនជាអ្នកគេងមិនច្រើនទេ អ្នកនឹងប្រឈមការធាត់ជ្រុលរហូតដល់ ២៧ភាគរយជាងអ្នកគេងធម្មតា។ រឿងនេះចង់និយាយថា កាលណាអ្នកគេមិនគ្រប់គ្រាន់ វានឹងភ្ញោចដល់ការឃ្លានអាហារកាន់តែច្រើន និងទប់ស្កាត់អារម្មណ៍ឆ្អែតទោះបីជាញ៉ាំច្រើនហើយក៏ដោយ។
ញ៉ាំស្រាជាមួយអាហារពេលយប់
ស្រ្តីដែលជ្រើសរើសការញ៉ាំស្រាបៀរពីរកំប៉ុង ស្រា ឬស្រាក្រឡុក ក្នុងមួយថ្ងៃគឺអាចជួយសម្រកទម្ងន់បាន។ រឿងនេះកើតឡើងដោយសារតែស្រ្តីញ៉ាំគ្រឿងស្រវឹងគឺអាចបន្ថយការញ៉ាំបាន។ ក្រៅពីនេះ ការស្រាវជ្រាវនិយាយថា រាងកាយរបស់ពួកគេមិនអាចបំលែងគ្រឿងស្រវឹងបានយ៉ាងមានប្រសិទ្ធភាពទេ ដូច្នេះការរំលាយខ្លាញ់ក៏បានតិចតួចដែរ។
ញ៉ាំទឹកឲ្យបានច្រើន
ពិតណាស់ អ្នកអាចសម្រកទម្ងន់បានតាមរយៈការញ៉ាំទឹកច្រើនៗ។ តាមពិតទៅ បើសិនជាអ្នកញ៉ាំទឹកពីរពែងមុនបាយ អ្នកនឹងអាចស្រកទម្ងន់ប្រហែល ៧គីឡូក្រាមក្នុងរយៈពេល ១២សប្តាហ៍។ អ្នកក៏អាចសម្រកទម្ងន់តាមរយៈការជ្រើសរើសការញ៉ាំតឹកធម្មតាជាងទឹកមានជាតិផ្អែម។ យកល្អគួរតែជំនួសការញ៉ាំទឹកក្រូចកូកាកូឡាពីកំប៉ុងរាល់ថ្ងៃ មកញ៉ាំទឹកធម្មតាវិញ។
កាត់បន្ថយការញ៉ាំផ្អែម
បើសិនជាអ្នកចង់រំលាយខ្លាញ់ក្បាលបោះ មានន័យថាអ្នកកំពុងតែស្វែងរកមធ្យោបាយដើម្បីទទួលបានសុខភាពហើយ។ បើសិនជាអ្នកចង់សម្រកខ្លាញ់ក្បាលពោះ ចូរទិញស្តុកទុកបន្លែ ប្រូតេអ៊ីន និងគ្រាប់ធញ្ញជាតិញ៉ាំជាអាហារសម្រន់វិញទៅ។ (អាន:ថ្នាំងងុយគេង ពេលអ្នកគួរប្រើ)អ្នកក៏អាចជួយខ្លួនឯងក្នុងការសម្រកខ្លាញ់ក្បាលពោះតាមរយៈការបន្ថែមម្សៅសម្បកឈើអ៊ែមក្នុងកាហ្វេ ឬតែ ហើយតាមដានថាជាតិស្ករក្នុងឈាមមានលំនឹងឬអត់។ វាក៏ជួយឲ្យអ្នកឆ្អែតបានយូរផងដែរ៕