Join with Health.com.kh on Telegram

ខាងក្រោមនេះ យើងខ្ញុំនឹងបង្ហាញអ្នកពីវិធីក្នុងការការពារកូនពីវីរុសកូរ៉ូណាដ៏កាចសាហាវ។ តើមានអ្វីខ្លះទៅ? (អាន:ថ្នាំងងុយគេង ពេលអ្នកគួរប្រើ)

  1. ប្រសិនជាក្រោយពេលដែលអ្នកត្រឡប់ដល់ផ្ទះ ហើយងូតទឹកភ្លាម ទើបពរកូនជារឿងដ៏ល្អ។ ប៉ុន្តែ មានអ្នកម្តាយមួយចំនួនក្រោយត្រឡប់ដល់ផ្ទះ គឺត្រូវធ្វើការងារផ្ទះ មិនអាចងូតទឹកភ្លាមបានទេ។ ប្រសិនជាអ្នកមិនទាន់អាចងូតទឹកសម្លាប់មេរោគលើខ្លួនបានទេ អ្នកគួរតែលាងដៃជាមួយសាប៊ូ ហើយផ្លាស់ប្តូរសម្លៀកបំពាក់លើខ្លួនចេញ ទើបអាចពរកូនបាន។ ការធ្វើដូចនេះ អាចចៀសវាងនាំរោគកើតលើខ្លួនកូនដោយមិនដឹងខ្លួនបាន។
  2. ទូរស័ព្ទ និងវ៉ែនតារបស់អ្នក គឺមានផ្ទុកមេរោគច្រើនណាស់ដែលអ្នកនឹកស្មានមិនដល់។ ដូចនេះ អ្នកគួរតែយកអាល់កុលជូតសម្អាត ទើបអាចសម្លាប់មេរោគទាំងនោះ។ ជាពិសេស កាបូបរបស់អ្នកក៏គួរតែជូតសម្អាតជាមួយអាល់កុលផងដែរ ទើបអាចប៉ះពាល់កូនបាន ព្រោះបើរបស់ប្រើប្រាស់ទាំងនេះ មិនសម្អាតទេ ពេលដែលកូនប៉ះត្រូវ នោះនឹងអាចឆ្លងដល់កូនបាន។
  3. ប្រដាប់ប្រដាល់ប្រើប្រាស់របស់កូន គួរតែផ្សេងពីអ្នកម្តាយ និងលោកប៉ា ជាពិសេស ចាន ស្លាបព្រា និងកែវតែម្តង មិនគួរប្រើរួមគ្នាទេ ទើបមិនចម្លងមេរោគដល់រាងកាយកូន។ ដូចនេះ អ្នកធ្វើឲ្យបាន៣ចំណុចនេះ ទើបអាចការពារកូនប្រកបដោយសុវត្ថិភាពបាន៕ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)