អ្នកស្រាវជ្រាវបានរកឃើញថា ថ្នាំប្រឆាំងនឹងការលើសសម្ពាធឈាម Amlodipine ងាចបន្ថយការប្រឈមនឹងជំងឺរលាកសន្លាក់ហ្គោដបាន បើប្រៀបធៀបនឹងថ្នាំពីរមុខផ្សេងទៀតសម្រាប់បញ្ចុះសម្ពាធឈាមដែរ។ ជំងឺរលាកសន្លាក់ហ្គោដមានលក្ខណៈសម្គាល់ដូចជា ឈឺចាប់ភ្លាមៗ ហើម និងគាំងនៅសន្លាក់ និងបង្កឡើងដោយការកើតជា Urate Crystal ក្នុងសន្លាក់តូចៗ ហើយរឿងនេះក៏បង្កឡើងដោយការមានវត្តមានអាស៊ីតអ៊ុយរកខ្ពស់ក្នុងឈាមផងដែរ។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)
ខណៈពេលដែលជំងឺរលាកសន្លាក់ហ្គោដមានជាប់ទាក់ទងនឹងការញ៉ាំអាហារមួយចំនួនដូចជា សាច់ក្រហម អាហារសមុទ្រ និងគ្រឿងស្រវឹង វាក៏ជាផលវិបាកញឹកញាប់មួយនៃការគ្រប់គ្រងសម្ពាធឈាម និងភាពញឹកញាប់មួយដែលអ្នកជំងឺមិនលេបថ្នាំតាមវេជ្ជបញ្ជាដែរ។ យ៉ាងណាមិញ ការសិក្សាចំនួនពីរបីបានផ្តល់នូវការណែនាំសម្រាប់គ្រូពេទ្យលើការជ្រើសរើសថ្នាំប្រឆាំងការលើសសម្ពាធឈាមសម្រាប់អ្នកជំងឺប្រឈមនឹងជំងឺរលាកសន្លាក់ហ្គោដ។
ការសិក្សាមួយដែលចុះផ្សាយក្នុងសារព័ត៌មាន Journal of Hypertension អ្នកស្រាវជ្រាវបានប្រមូលទិន្នន័យទីពីរនៃទិន្នន័យដែលបានមកពីការការសិក្សា Antihypertensive and Lipid-Lowering Treatment to Prevent Heart Attack Trial (ALLHAT)។ ការសិក្សានេះបានវាយតម្លៃទៅលើឥទ្ធិពលនៃថ្នាំបញ្ចុះសមញពាធឈាមទៅលើលទ្ធផលនៃប្រព័ន្ធបេះដូងសរសៃឈាមលើអ្នកចូលរួមសិក្សាច្រើនជាង ២០០០០នាក់ ដែលបានព្យាបាលនៅឯមជ្ឈមណ្ឌលវេជ្ជសាស្រ្តចំនួន ៦២៣កន្លែង ក្នុងតំបន់អាមេរិកខាងជើង នៅចន្លោះឆ្នាំ ១៩៩៤ និង ២០០២។
ការសិក្សាបានបញ្ជាក់ច្បាស់ថា ថ្នាំ Amlodipine មានជាប់ទាក់ទងនឹងការថយចុះការប្រឈមនឹងជំងឺរលាកសន្លាក់ហ្គោដ បើសិនជាប្រៀបធៀបនឹងថ្នាំ Chlorthalidone ឬ Lisinopril។ (អាន:ថ្នាំងងុយគេង ពេលអ្នកគួរប្រើ)ការស្រាវជ្រាវបន្ថែមត្រូវធ្វើដើម្បីបញ្ជាក់អំពីការរកឃើញមួយនេះ និងលទ្ធផលរបស់សុខភាពដូចជា ខ្សោយបេះដូង ដើម្បីអាចពិចារណាលើការជ្រើសរើសថ្នាំបញ្ចុះសម្ពាធឈាមបានត្រឹមត្រូវ៕